ވެލިދޫ ކުނިގޮނޑުގައި ރޯވި އަލިފާން ނިއްވާލައިފި

ނ.ވެލިދޫ ކުނިގޮނޑުގައި ރޭ ރޯވި އަލިފާން ނިއްވާލެވިއްޖެ ކަމަށް މޯލްޑިވްސް ނޭޝަނަލް ޑިފެންސް ފޯސް ( އެމްއެންޑީއެފް) އިން ބުނެފިއެވެ.

މި ހާދިސާގެ ރިޕޯޓު އެމްއެންޑީއެފްއަށް ހުށަހަޅާފައިވަނީ އިއްޔެ މެންދުރު 12:30ގައި ކަމަށް އެމްއެންޑީއެފްއިން ވަނީ ބުނެފައެވެ. ޅ.ނައިފަރު ނޮދަން އޭރިއާ ކޮމާންޑް ފަޔާރ ސްޓޭޝަންއަށް ރިޕޯޓު ލިބުމުން  14:00 ވަނީ އެ ރަށަށް ގޮސް އަލިފާން ނިއްވުމުގެ މަސައްކަތް ފަށާ 15:15 ހާއިރު އަލިފާންގަނޑު ކޮންޓްރޯލްކޮށް 17:00 ހާއިރު ވަނީ އަލިފާން އެއްކޮށް ނިއްވާލެވިފައި ކަމަށް އެމްއެންޑީއެފްއިން މައުލޫމާތު ދެއެވެ.

ފަޔާރ ފައިޓަރުންނަށް އެ ރަށަށް ދިޔުމަށް ވަގުތު ނަގާނެތީ، އެމްއެންޑީއެފްގެ އެދިލެއްވުމުގެ މަތިން 3 ރިސޯޓެއްގެ ފަޔަރމަނުންގެ އެހީވަނީ ލިބިފައިކަމަށްވެއެވެ. އެގޮތުން ، އަލިފާން ނިއްވުމުގައި މަސައްކަތް ކުރެއްވީ ޝިޔާމް ވޯލްޑް ރިސޯޓާއި، ވެލާ ރިސޯޓު، އަދި ރަންދެލި ރިސޯޓުގެ އިތުރުން ނ.ވެލިދޫ ކައުންސިލުންނާ ގުޅިގެން ކަމަށް އެމްއެންޑީއެފްއިން ވަނީ ބުނެފައެވެ.

މި ހާދިސާގައި އެއްވެސް ފަރާތަކަށް އަނިޔާއެއް ލިބިފައެއް ނުވެއެވެ.