ފުވައްމުލައް ވޯޓަރ ކްރައިސިސް - ވައިގެމަގުން ބޯފެން ފޯރުކޮށްދިނުމުގެ އޮޕަރޭޝަނެއް ފަށައިފީމު: ސަރުކާރު

ފުވައްމުލައް ސިޓީގެ ވޯޓަރ ސަޕްލައިއަށް ދިމާވި

މައްސަލައާއި ގުޅިގެން ވައިގެ މަގުން ބޯފެން ފޯރުކޮށްދިނުމުގެ އޮޕަރޭޝަނެއް ދިވެހި

އަސްކަރިއްޔާއިން ފަށައިފިއެވެ.

މިކަން ހާމަކުރެއްވީ ސަރުކާރުގެ އިސް ތަރުޖަމާނު

ހީނާ ވަލީދެވެ.

އެގޮތުން ފުވައްމުލައް ސިޓީގެ ވޯޓަރ ސަޕްލައިއަށް ދިމާވި

މައްސަލައެއްގެ ސަބަބުން އެކަން ޙައްލުކޮށް އެ ސިޓީއަށް މިވަގުތު ބޭނުންވާ ފެން ފޯރުކޮށްދިނުމަށް

ކަމާބެހޭ މުއައްސަސާތައް ގުޅިގެން ކުރަމުންދާ މަސައްކަތުގެ މަޢުލޫމާތުގެ އެންމެ ފަހުގެ

އަދާހަމަ ހިއްސާކުރައްވަމުން އިސް ތަރުޖަމާނު ވިދާޅުވީ މިމައްސަލަ ކުރިމަތި ވުމާއެކު

ކަނޑާއި ވައިގެ މަގުން ފުވައްމުލައް ސިޓީއަށް ބޯފެން ފޯރުކޮށްދިނުމާއި އަދި ބޭނުންވާ

އެހެނިހެން އެހީތެރިކަން ފޯރުކޮށްދިނުމުގެ މަސައްކަތް ސިފައިން ފަށާފައިވާކަމަށެވެ.

"މިހާތަނަށް ފަސް ލިޓަރުގެ 500 ކޭސް ފެނާއި،

1.5 ލިޓަރުގެ 1300 ކޭސް ފެނާއި، 500 މިލިލިޓަރުގެ 1000 ކޭސް ފެން ވައިގެ މަގުން ވަނީ

ފުވައްމުލައް ސިޓީއަށް ގެންދެވިފައި، މިހާތަނަށް 1200 ކޭސް ފެން ރައްޔިތުންނަށް ފޯރުކޮށްދެވިފައި

ވާއިރު، އިތުރު ބޯފެން މިހާރު ވަނީ ފުވައްމުލަކު ސިޓީއަށް ގެންދިއުމުގެ މަގުމަތީގައި"

ތަރުޖަމާނު ވިދާޅުވިއެވެ.

ތަރުޖަމާނު އިތުރަށް ވިދާޅުވީ ފުވައްމުލައް ސިޓީގެ ފެން

ތަޣައްޔަރުވުމާ ގުޅިގެން ފެނަކައިގެ ފަރާތުން އެމްއެފްޑީއޭއާއި އެޗްޕީއޭގެ އިރުޝާދާއެކު

މުޅި ޕައިޕްލައިން ކަނޑައެޅިފައިވާ ސްޓެންޑަޑާ އެއްގޮތްވާ ގޮތުގެ މަތިން ޑިސްއިންފެކްޓްކޮށް،  ތާނގީތައް ސާފުކޮށް،  ފްލަޝްކޮށް،

ފެން އުފެއްދުމުގެ މަސައްކަތް މިހާރު ވަނީ ފަށާފައި ކަމަށާއި ކުރިއަށް އޮތް

ހައެއްކަ ގަޑިއިރުގެ ތެރޭގައި ފެނުގެ ރައްކާތެރިކަން ކަށަވަރުކުރުމަށްފަހު ފުވައްމުލައް

ސިޓީއަށް ކުރިއެކޭ އެއްފަދައިން ފެންދޫކުރަންފަށާނެ ކަމަށެވެ.

ފުވައްމުލައް ސިޓީއަށް މިވަގުރު ދިމާވެފައިވާ ފެނުގެ

މައްސަލަ ވީހާވެސް އަވަހަށް ޙައްލުކުރުމަށް

ކަމާބެހޭ މުއައްސަސާތައް ގުޅިގެން މަސައްކަތް ކުރަމުން އަންނަކަން އިސް

ތަރުޖަމާނު ފާހަގަކުރެއްވިއެވެ.