ފަތުރުވެރިންތަކެއް އއ. ރަސްދޫގައި ބަރަހަނާ ފިލްމު ކުޅުނީ މި ހިނގާ ސެޕްޓެމްބަރު މަހުގެ ތެރޭގައި ނޫންކަން މިހާތަނަށް ބެލި ބެލުމުން އެނގިފައިވާކަމަށް ދިވެހި ފުލުހުން ބުނެފިއެވެ.
ފުލުހުން އިއްޔެ ބުނެފައިވަނީ އއ. ރަސްދޫގެ މަގުތަކުގައްޔާއި ބީޗުގައި ޓޫރިސްޓުންތަކެއް ބަރަހަނާ ފިލްމު ކުޅުނު މައްސަލައެއް އަދި އެފަދަ ޝަކުވާއެއްވެސް ފުލުހުންނަށް ލިބިފައިނުވިނަމަވެސް ސޯޝަލް މީޑިއާގައި އެފަދަ ވާހަކަތަކެއް ދައުރުވަމުންދާތީ ބަލަންޖެހޭ ކަންކަން ދަނީ ބަލަމުން ކަމަށެވެ.
އެއަށްފަހު ދެންމެ މީޑިއާތަކަށް މިކަމާއި ގުޅޭ އިތުރު މައުލޫމާތު ހިއްސާކުރަމުން ފުލުހުން ބުނެފައިވަނީ އެއީ މި ސެޕްޓެމްބަރުގައި ހިނގާފައިވާކަމެއް ނޫންކަން އެނގިފައިވާކަމަށާއި އިތުރަށް ހޯދަންޖެހޭ ކަންކަން ކަމާ ގުޅުންހުރި ފަރާތްތަކާއި ގުޅިގެން ހޯދަމުން އަންނަ ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް