އެންމެ މަޝްހޫރު ހިންދީ އެއް ޑްރާމާ ސިލްސިލާ "ގުމް ހޭ ކިސީކޭ ޕިޔާރްމޭ" ގެ ސެޓުގައި އަލިފާނުގެ ހާދިސާއެއް ހިނގައިފި އެވެ.
އިންޑިއާގެ މުމްބާއީގެ ފިލްމު ސިޓީގައި ހަދާފައިވާ އެ ޑްރާމާގެ ސެޓުގައި އަލިފާން ރޯވީ އިއްޔެ ހަވީރުގެ ވަގުތެއްގައި އެވެ. އެ ސެޓުގެ ބޮޑު މިނުގައި 2،000 އަކަފޫޓު ހުރެ އެވެ.
މި ހާދިސާ އާއި ގުޅިގެން އެ ސިލްސިލާ އުފައްދާ ކޮކްރޯ އެންޓަޓެއިންމެންޓު ޝައިކާ ފިލްމްސް އިން ނެރުނު ބަޔާނެއްގައި ބުނީ އަލިފާން ރޯވީ ސެޓުގެ އެންމެ ތިރީ ފަންގިފިލާގައި ކަމަށެވެ. ސެޓަށް ލިބުނު ގެއްލުންތަކެއް ހާމައެއް ނުކުރެ އެވެ.
އެ ކުންފުނިން ބުނީ ހާދިސާ ހިނގީ ޝޫޓިން ކުރިޔަށް ދަނިކޮށް ކަމަށްވާތީ ތަރިންނާއި ކްރޫއިންނާއި ޓެކްނީޝަނުންނާއި މަސައްކަތު މީހުންގެ ތެރެއިން ގިނަ މީހުން އެތަނުގައި ހާޒިރުވެ ތިބި ކަމަށެވެ. އެކަމަކު މި ހާދިސާގައި އެއްވެސް މީހަކަށް އަނިޔާއެއް ވެފައި ނުވާކަމަށް ބުނެފައިވެ އެވެ.
މި ހާދިސާ އާއި ގުޅިގެން ލިބުނު ގެއްލުންތައް މިހާރު މަރާމާތު ކުރަން ފަށާފައިވާ ކަމަށް ބުނެފައިވެ އެވެ. އަދި ސިލްސިލާ މެދު ނުކެނޑި ބެލުންތެރިންނަށް ގެނެސްދިނުމަށް ވަރަށް ބޮޑަށް މަސައްކަތް ކުރާނެ ކަމަށް ބުންޏެވެ.
ތިނެސްކަން ލޯބީގެ މި ސިލްސިލާ އަކީ އިންޑިއާ އާއި ދުނިޔޭގެ އެކި ކަންކޮޅުތަކުގައި ހިންދީ ޑްރާމާއަށް ޝައުގުވެރިވާ މީހުންގެ މެދުގައި މަގުބޫލު ސިލްސިލާއެކެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް