"ސޮރީ ބޯއިސް" ފިހާރަ ކުރިމަތީގައި އަނިޔާތަކަކާއެކު އޮތް ފިރިހެނަކު ހޮސްޕިޓަލަށް !

މަޖީދީމަގުގައި ހުންނަ "ސޮރީ ބޯއިސް" ފިހާރަ ކުރިމަތީގައި އަނިޔާތަކަކާއެކު އޮތް ފިރިހެނަކު އައިޖީއެއެޗް ހޮސްޕިޓަލަށް ގެންގޮސްފިއެވެ.

ދުވަހަށް މައުލޫމާތުދެމުން ފުލުހުން ބުނެފައިވަނީ މަޖީދީމަގުގައި ހުންނަ "ސޮރީ ބޯއިސް" ފިހާރަ ކުރިމަތީގައި އަނިޔާތަކެއް ލިބިފައި އޮތް ފިރިހެނަކު އޮތް ކަމަށް ރޭ 1:25 ހާއިރު ފުލުހުންނަށް ރިޕޯޓްކޮށްފައިވާކަމަށެވެ.

"އައިޖީއެމްއެޗް އަށް ގެންގޮސް ފަރުވާދިނުމަށްފަހު 06:19 އެހައިކަންހާއިރު މީހާ ވަނީ ދޫކޮށްލާފައި" ފުލުހުން ބުނެފައިވެއެވެ.

ދުވަހަށް މައުލޫމާތުދެމުން އައިޖީއެމްއެޗްގެ މީޑިއާ އޮފިސަރު ބުނީ އެއީ 32 އަހަރުގެ ދިވެހި ފިރިހެނެއް ކަމަށެވެ.

ފުލުހުން އިތުރަށް ބުނެފައިވަނީ މައްސަލަ ތަހުގީގު ކުރަމުން އަންނަ ކަމަށެވެ.