ޕާކިސްތާން އިގްތިސާދު ފުންވަޅުގަނޑަކަށް ވެއްޓެމުން ދާކަމަށް ބުނެ މުޅި ގައުމުގައި ހަޅުތާލު ކުރަން އެ ގައުމުގެ ގާނޫނީ ވަކީލުންގެ ޖަމިއްޔާއިން ގޮވާލައިފިއެވެ.
ގާނޫނީ ވަކީލުންގެ އެންމެ މަތީ ޖަމިއްޔާއިން ވަނީ ސިޔާސީ ގައިދީން ދޫކޮށްލުމަށާއި، ސިޔާސީ ކަންކަމުގައި އަސްކަރިއްޔާގެ ބައިވެރިވުން ހުއްޓާލުމަށާއި، އިގްތިސާދީ ހީނަރުކަމަށް ހަރުދަނާ ހައްލެއް ގެނައުމަށް ބުރާސްފަތި ދުވަހު ބޭއްވި ހަރަކާތެއްގައި ގޮވާލާފައެވެ.
އެސްސީބީއޭގެ 25 ވަނަ އެގްޒެކެޓިވް ކޮމިޓީން އެސްސީބީއޭގެ ގޯތިތެރޭގައި ބޭއްވި އޯލް ޕާކިސްތާން ލޯޔަރސް ކޮންވެންޝަންގައި ގާނޫނީ ވަކީލުން ކަމަށްވާ ހާމިދު ޚާން، ލަތީފް ޚުސާ، އައިތުޒާޒް އަހުސަން އަދި އެސްސީބީއޭގެ ރައީސް އާބިދު ޒުބޭރީ ދެއްކެވި ވާހަކަތަކާ ގުޅިގެން، މި ހުރިހާ މަގްސަދުތަކެއް ބަޔާންކޮށް ގަރާރެއް ފާސްކޮށްފައިވާ ކަމަށް ޑޯން ނޫހުން ބުންޏެވެ.
ޒުބޭރީ ވިދާޅުވީ ޕާކިސްތާނުގެ ބާ ކައުންސިލުން އެ ބައްދަލުވުމުގައި ވަރަށް ބޮޑަށް ބައިވެރިވެވަޑައިނުގަންނަވާ ކަމަށާއި ދައުވަތު ދިން ނަމަވެސް ޕީބީސީން އެ ބައްދަލުވުމުގައި ބައިވެރިނުވާތީ ކަންބޮޑުވުން ފާޅުކުރައްވާ ކަމަށެވެ.
މަދަނީ ބާރުވެރިކަމަށް ތާއީދުކުރާ މި މުއާހަދާގެ ގަރާރުގައި ވަނީ ގާނޫނު އަސާސީ އާއި ގާނޫނުގެ ވެރިކަމަށް ތާއީދުކޮށް ހިމާޔަތް ކުރުމަށް ޓަކައި ސުލްހަވެރި އިހުތިޖާޖެއްގެ ގޮތުގައި ބާ ކައުންސިލްތަކުން އެ މީހުންގެ ވަކިވަކި ބާ އެސޯސިއޭޝަންތަކުގައި އެއްވުންތަކާއި ހިނގާލުންތައް ބޭއްވުމަށް ގޮވާލާފަ އެވެ. ޕާކިސްތާނުގެ ކޮންމެ މުއައްސަސާއަކީ ވެސް ގާނޫނު އަސާސީން ލާޒިމްކުރާ މުއައްސަސާއެއް ކަމަށާއި އެންމެ ކުޑަ މިންވަރެއް ވެސް އޮޅުވާލުމުގެ ހުއްދަ ދީފައި ނުވާ ކަމަށް ޑޯން ނޫހުން ބުނެފައިވެ އެވެ.
މި ގަރާރުގައި ސިފައިންނަށް އިޝާރާތްކޮށް، ގާނޫނުއަސާސީ އެކުލަވާލާފައިވަނީ ހުރިހާ ރޭންކުތަކެއްގެ އޮފިޝަލުން ކަމަށްވާތީ، ގާނޫނު އަސާސީގެ ދިފާއުގައި ހަރުކަށިކަމާއެކު މަސައްކަތްކުރުމަށާއި ސިޔާސީ އަމަލުތަކުން ދުރުހެލިވާނެ ކަމަށް އުންމީދު ކުރާ ކަމަށް ވެސް އެ ގަރާރުގައި ވަނީ ބުނެފަ އެވެ. މީގެ އިތުރުން އަސްކަރީ ކޯޓުތަކުގައި އާންމުންގެ ޝަރީއަތް ހިންގުމާ ދެކޮޅު ހަދައި، އެފަދަ ކޯޓުތަކުން ގާނޫނު އަސާސީން ކަށަވަރުކޮށްދީފައިވާ ޑިއު ޕްރޮސެސް އާއި އިންސާފުވެރި ޝަރީއަތާއި އެހެނިހެން އަސާސީ ހައްގުތަކާ ހިލާފުވެފައިވާ ކަމަށް ބުނެފައިވެ އެވެ.
އެސްސީބީއޭގެ ގަރާރުގައި ބުނެފައި ވަނީ އަސްކަރީ ނުވަތަ އިންޓެލިޖެންސް އިދާރާތަކުގެ ބެލުމުގެ ދަށުގައި ބަހައްޓާ ހުރިހާ ރައްޔިތުން މަދަނީ ކޯޓުތަކަށް ހުށަހަޅަން ކަމާ ބެހޭ އަދި މަދަނީ ގާނޫނުގެ އިދާރާތަކުގެ ބެލުމުގެ ދަށަށް ބަދަލުކުރުމަށެވެ.
ގާނޫނާ ހިލާފަށް ހައްޔަރުކޮށް ބަންދުގައި ބެހެއްޓުމުގައި ޒިންމާވާ ފަރާތްތަކާ މެދު ގާނޫނާ އެއްގޮތްވާ ގޮތުގެ މަތިން ފިޔަވަޅު އަޅަން ޖެހޭ ކަމަށް އެ ބަޔާނުގައި ބުނެފައި ވެއެވެ. އަދި ގާނޫނާ ހިލާފަށް ބަންދުކޮށްފައި ތިބި މީހުން ވަގުތުން ދޫކޮށްލުމަށް ވެސް ގޮވާލާފައި ވެއެވެ.
"ވޭތުވެދިޔަ މަސްތަކުގައި އަންހެނުން ހައްޔަރުކުރުމާއި ބަންދުކުރުމާއި ފުރައްސާރަ ކުރުން ހަރުކަށި އިބާރާތުން ކުށްވެރިކުރާ ކަމަށާއި އެފަދަ އަމަލުތަކުގެ ޒިންމާ އުފުލަން ޖެހޭ ފަރާތްތަކަށް ގާނޫނުގެ ދަށުން އަދަބު ދޭން ޖެހޭ،" ވަކީލުންގެ ޖަމިއްޔާއިން ވަނީ ބުނެފަ އެވެ.
އަދި ޕްރޮފެޝަނަލް މަސްއޫލިއްޔަތު އަދާކުރަމުންދާ ވަކީލުންނަށް ފުރައްސާރަ ކުރާ ފަރާތްތައް އިންސާފުގެ ކުރިމައްޗަށް ގެނައުމަށް ވެސް އެ ޖަމިއްޔާއިން ވަނީ އިލްތިމާސްކޮށްފަ އެވެ. ޕީޓީއައިގެ ލީޑަރު އިމްރާން ޚާން އަށް ދައުލަތުގެ އޮފިޝަލުން ފުރައްސާރަ ކުރަމުންދާ ކަމަށް ބެލެވޭ އިރު، މެއި މަހުގެ ނުވަ ވަނަ ދުވަހު ހިނގި ހާދިސާތަކާ ގުޅިގެން އެ ޕާޓީ އޮތީ ހަލަބޮލިވެފަ އެވެ.
ޕާކިސްތާނު ތަހްރީކޭ އިންސާފްގެ ވެރިޔާ އަދި ކުރީގެ ބޮޑުވަޒީރު އިމްރާން ޚާން މިދިޔަ މެއި މަހުގެ ނުވަ ވަނަ ދުވަހު އިސްލާމްއާބާދު ހައި ކޯޓު (އައިއެޗްސީ) ގައި ފުލުހުންގެ ބެލުމުގެ ދަށަށް ގެނައުމާ އެކު މުޅި ޕާކިސްތާނުގައި ވަނީ ހަމަނުޖެހުންތައް ހިންގައިފަ އެވެ.
ޗެއާމަން ހައްޔަރުކުރުމާ ގުޅިގެން އެ ޕާޓީގެ އެކްޓިވިސްޓުން ކުރި އިހުތިޖާޖުގެ ސަބަބުން ދުރު އަދި އާބާދީ ބޮޑު ދެ އަވަށުގައި އެއްވުންތައް ބާއްވައި، ބަލޫޗިސްތާން، ޕަންޖާބު، ޚައިބަރު ޕަޚްތޫންޚުވާ އަދި އިސްލާމްއާބާދު ވަނީ ސުލްހަ މަސަލަސްކަން ދެމެހެއްޓުމަށް ސިފައިންނަށް ގޮވާލާފައެވެ.
ޕީޓީއައިގެ އެކްޓިވިސްޓުން ކުރި މުޒާހަރާއެއްގައި ލާހޯރުގައި ހުންނަ އަސްކަރިއްޔާގެ މަރުކަޒުތަކަށާއި ކޯޕްސް ކޮމާންޑަރުގެ ގެއަށް ވަނީ ހަމަލާދީފަ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް