އަންހެނަކު ރޭޕްކުރަން އުޅުނު މީހަކު މާމެންދޫން ހައްޔަރުކޮށްފި

އަންހެނަކާ ގަދަކަމުން ބަދުއަޚުލާޤީ ޢަމަލު ހިންގިކަމުގެ ތުހުމަތުގައި ގއ. މާމެންދޫން މީހަކު ހައްޔަރުކޮށްފި އެވެ.

މި މައްސަލައާ ގުޅިގެން ހައްޔަރުކޮށްފައިވަނީ 35 އަހަރުގެ ދިވެހި ފިރިހެނެކެވެ.

ފުލުހުން ބުނީ އޭނާ ހައްޔަރުކޮށްފައިވަނީ 2015 ސެޕްޓެމްބަރު 08 ވަނަ ދުވަހުގެ 16:20 ހާއިރު ފުލުހުންނަށް ހުށަހެޅުނު މައްސަލައަކާ ގުޅިގެން ހަމަ އެދުވަހުގެ ރޭ 19:25 ހާއިރު ކޯޓު އަމުރެއްގެ ދަށުން ކަމަށެވެ.

މި މައްސަލަ ގއ. މާމެންދޫ ޕޮލިސް ސްޓޭޝަނުން ދަނީ ތަޙުޤީޤު ކުރަމުންނެވެ.