މުދައްރިސުން ގައުމު ބިނާކުރަން އަދާކުރާ ރޯލު ސަރުކާރުން ޝުކުރުވެރިކަމާއެކު ބަލައިގަންނަން: މިނިސްޓަރު

ދައްރިސުން ގައުމު ބިނާކުރަން އަދާކުރާ ރޯލު ސަރުކާރުން ޝުކުރުވެރިކަމާއެކު ބަލައިގަންނަ ކަމަށް ތަޢުލީމާއި ބެހޭ ވަޒީރު އައިޝަތު ޢަލީ ވިދާޅުވެއްޖެއެވެ.

އެކަމަނާ މިހެން ވިދާޅުވީ 2021/2022 ވަނަ ދިރާސީ އަހަރު ފެށުން ފާހަގަކޮށް މިއަދު އިއްވި ހިތޯބުގައެވެ.

މިނިސްޓަރު ވިދާޅުވީ ގައުމު ބިނާކުރުމުގައި މުދައްރިސުން ކުރައްވާ ބުރަ މަސައްކަތް ސަރުކާރުން ބަލައިގަންނަ ކަމަށާއި އަދި އެކަމުގެ ރަމްޒެއްގެ ގޮތުން، އެންމެ ފުރަތަމަ މުސާރަ ބޮޑު ކުރާ ބައެއްގެ ގޮތުގައި ތައުލީމީ ދާއިރާގެ މުވައްޒަފުން ހިމަނަން ރައީސް އިބްރާހިމް މުހައްމަދު ޞާލިޙް ނިންމާފައިވާ ކަމަށެވެ.

މުދައްރިސް ދަރިވަރުން ކްލާހުން ބައްދަލުވެގެންކަން ސްކްރީން ބަލާ ވަގުތު މަދުވުމުން އެހެން މީހުންނާ މުއާމަލާތް ކުރާނެ ވަގުތު ގިނަވާނެކަން ފާހަގަކުރައްވާ މިނިސްޓަރު ވިދާޅުވީ އޭގެ ސަބަބުން ބަހަށް ދަރިވަރުން ފާގަތިވާނެ ކަމަށެވެ.

އެކަމަނާ ވިދާޅުވީ މޮޅު ކުދިން މޮޅުވާ ސަބަބަކީ އެ ކުދިންގެ ހިތްމަތާއި މަސައްކަތާއި ކުދިންގެ ހިތްވަރާއި ފަންވަރުގައި ކަމަށެވެ. އެހެން ކަމުން ކޮންމެ ދަރިވަރަކުވެސް ކަށިން ހިތްވަރާ ރޫހު ނެރެގެން ކަންކަން އުނގެނެން ފޯރިއާއެކު ކުރިއަށް ދިޔުމަށް މިނިސްޓަރު އިލްތިމާސް ކުރެއްވިއެވެ.

މިނިސްޓަރު ވިދާޅުވި ގޮތުގައި ކޯވިޑް-19ގެ ހާލަތުގެ ސަބަބުން ސްކޫލްތަކަށް ދަރިވަރުން ގެންގޮސްގެން ކިޔަވައި ދިނުން މެދުކަނޑާލައި އޮންލައިންކޮށް ކިޔަވައި ދޭން ފެށުމުން އެންމެ ބޮޑަށް ދަސްވި އެއް ކަމަކީ އުނގަންނައި ދޭން އެންމެ މޮޅު އިތުރު ގޮތަކީ ކްލާހުން ދަރިވަރާ ޓީޗަރާއި ބައްދަލު ކޮށްގެން ކަމެވެ.

އޭނާ ވިދާޅުވީ މާޒީގައި ގެއްލިފައިވާ ފިލާވަޅުތައް ހޯދައި ގަތުމުގެ ވަގުތު އިތުރުވެގެންދާނެ ކަމަށާއި، ދަރިވަރުން ގޭގައި "ވަކިން އުޅުނު މޮޅިވެރި ދުވަސްތައް" ފާއިތުވެ ގޮސްފި ކަމަށެވެ.

"މީގެ ސަބަބުން ދަރިވަރުންގެ ކިޔެވުމަށް ހެޔޮ ބަދަލެއް އަންނާނެ ކަމަށް ބެލެވޭ. ބެލެނިވެރިންނާއި ދަރިވަރުން އެކުގައި ހޭދަކުރާ ވަގުތު އިތުރުވެގެން ދާނެ. މާޒީގައި ގެއްލިފައިވާ ފިލާވަޅުތައް ހޯދައިގަތުމުގެ ފުރުސަތު ވެސް މަތިވެގެން ދާނެ،" މިނިސްޓަރު ވިދާޅުވި އެވެ.

މިއަދު އަމަލުކުރަން ފަށާ، ތައުލީމީ ގާނޫނާ އެކު ޓީޗަރުންނަށް ލައިސަންސް ދޫކުރަން މިނިސްޓްރީން ފެށުމުން އުއްމީދު ކުރެވެނީ ޓީޗަރު ކަމުގެ ތައުލީމު ހަރުދަނާވެ، ހުނަރުވެރި، އަބުރުވެރި، ޓީޗަރުންތަކެއް ކުރިމަގުގައި ލިބޭނެ ކަމަށް ކަމަށާ އަދި އޭގެ ސަބަބުން ދަރިވަރުންގެ ފެންވަރު ވެސް ރަނގަޅު ވާނެ ކަމަށް މިނިސްޓަރުގެ ހިތާބުގައި ވިދާޅުވި އެވެ.

ގާތްގަނޑަކަށް ދޮޅު އަހަރަށް ފަހު ރާއްޖޭގެ ހުރިހާ ސްކޫލެއްގައި މިއަދު ކިޔަވައިދޭން ފެށީ 92،000 ވުރެ ގިނަ ދަރިވަރުންނާ އެކު އެވެ.