ޕާކިސްތާނުގެ ޝިޕިން އެންޑް ބްރޯކަރޭޖް ފާމެއް ކަމަށްވާ ޕްރޮޖެކްޓް ޝިޕިންއިން އަންނަ ޖެނުއަރީ މަހުގެ ދެވަނަ ކުއާޓަރުގައި ކަރާޗީ ބަނދަރުން ޕޮލެންޑްގެ ގްޑަންސްކް ބަނދަރަށް ޔޫކްރޭނަށް ބޭނުންވާ 159 ކޮންޓެއިނަރުގެ ހަތިޔާރު ފޮނުވަން ނިންމާފައިވާ ކަމަށް މީޑިއާ ރިޕޯޓްތައް ބުނެފިއެވެ.
ބީބީސީ ވެސުވިއަސް ނަމަކަށް ކިޔާ އުޅަނދެއްގައި 155 މިލިމީޓަރުގެ ޕްރޮޖެކްޓަލް، އެމް4އޭ2 ޕްރޮޕެލިން ބޭގް ޗާޖް، އެމް82 ޕްރައިމަރ އަދި ޕީޑީއެމް ފިއުސް ހުންނާނެ ކަމަށް ރިޕޯޓްތައް ބުނެއެވެ. މީގެ ކުރިން އިނގިރޭސިވިލާތުގެ ފަރާތުން ޔޫކްރޭނަށް ހަތިޔާރު ބަދަލުކުރުމުގައި ޕާކިސްތާނުން ވަނީ މުހިންމު ދައުރެއް އަދާކޮށްފައެވެ.
ޔޫކްރެއިންއާ ގުޅިފައިވާ އިރުމަތީ ޔޫރަޕްގެ ބައެއް ސްޓޭޓްތަކުގައި ހުންނަ ދިފާއީ ކުންފުނިތަކަކީ ވެސް ޕާކިސްތާނުން އުފައްދާ އަސްކަރީ އާލާތްތައް ބަދަލުކުރުމުގެ ދޮރެއްގެ ގޮތުގައި އުފެދިފައިވާ ކަމަށް އީޓީ އިން މީގެ ކުރިން ބުނެފައިވެ އެވެ.
އޭގެ ބަދަލުގައި ޕާކިސްތާނުގެ އެމްއައި-17 ހެލިކޮޕްޓަރުތައް އަޕްގްރޭޑް ކުރުމަށް ޔޫކްރެއިންގެ އެހީތެރިކަން ލިބުމަކީ އެކަށީގެންވާ ކަމެކެވެ. ޕާކިސްތާނުގެ ހެލިކޮޕްޓަރުތައް އަޕްގްރޭޑް ކުރުމަށް އެއާކްރާފްޓް އިންޖީނާއި އިންޑަސްޓްރިއަލް މެރިން ގޭސް ޓާބައިން އުފެއްދުމުގައި ހަރަކާތްތެރިވާ ޔޫކްރެއިންގެ ކުންފުންޏަކުން އެހީތެރިކަން ފޯރުކޮށްދެމުން އަންނަ ކަމަށް އީޓީ އިން މީގެ ކުރިން ބުނެފައިވެ އެވެ.
އިސްލާމްއާބާދުގެ ހަތިޔާރު ސަޕްލައިކުރާ ޑީއެމްއައި އެސޯސިއޭޓްސް އިން އަންނަނީ އިރުމަތީ ޔޫރަޕްގެ ދިފާއީ ކުންފުނިތަކާ ގުޅިގެން ޔޫކްރެއިންގެ އަސްކަރިއްޔާއިން ދޭ އޯޑަރުތައް ބަދަލުކުރުމުގެ މަސައްކަތް ކުރަމުންނެވެ.
ޔޫކްރެއިން އާއި ޕާކިސްތާނަކީ އަސްކަރީ އަދި ސިނާއީ ގޮތުން ވަރަށް ގާތް ގުޅުމެއް އޮންނަ ދެ ގައުމެވެ. ޕާކިސްތާނުން ވަނީ ޔޫކްރެއިންގެ 320 އަށް ވުރެ ގިނަ ޓީ-80ޔޫޑީ ޓޭންކް ތައް ބަލަހައްޓައި، ބޭނުންކުރުމާއި، ހަތިޔާރާއި ސްޕެއާ ޕާޓްސް ބެލެހެއްޓުމަށް މުޅިން އެކުލެވިގެންވާ އިކޯސިސްޓަމަކާއެކު ހިދުމަތުގައި ގަނެފަ އެވެ.
1991 ވަނަ އަހަރުން ފެށިގެން 2020 ވަނަ އަހަރާ ހަމައަށް ޔޫކްރެއިންއިން ވަނީ ޕާކިސްތާނާ އެކު ގާތްގަނޑަކަށް 1.6 ބިލިއަން ޑޮލަރުގެ ހަތިޔާރުގެ އެއްބަސްވުންތައް ހަދާފައެވެ. ރިޕޯޓްތައް ބުނާ ގޮތުން އިސްލާމްއާބާދުން ވަނީ 85.6 މިލިއަން ޑޮލަރު ހަރަދުކޮށްގެން އެ ކުންފުނީގެ ޓީ-80ޔޫޑީ ފްލީޓް މަރާމާތު ކުރުމަށް ކީވްއާ އެކު އެއްބަސްވުމެއް ހަދައިފަ އެވެ.
ހާއްސަކޮށް ދިފާއީ އުފެއްދުމާއި ތަމްރީނާއި ޓެރަރިޒަމާ ދެކޮޅަށް ހިންގާ ހަރަކާތްތަކާއި އިންޓެލިޖެންސް ދާއިރާއިން އަސްކަރީ ގުޅުން އޮޕްޓިމައިޒް ކުރުމަށް ޕާކިސްތާނާއި ޔޫކްރެއިން އިން މިދިޔަ އަހަރު ވަނީ އެއްބަސްވެފަ އެވެ.
ރާވަލްޕިންޑީގައި ހުންނަ ނޫރު ޚާން ވައިގެ މަރުކަޒަކީ އިނގިރޭސިވިލާތުން ޔޫކްރެއިންއަށް ހަތިޔާރު ބަދަލުކުރުމަށް މެޑިޓަރޭނިއަން ކަނޑުގައި ހުންނަ އިނގިރޭސި ވައިގެ މަރުކަޒެއް މެދުވެރިކޮށް ރުމޭނިއާގެ އަވްރަމް އިޔަންކޫ ކްލޫޖް އިންޓަނޭޝަނަލް އެއާޕޯޓަށް އަސްކަރީ މަތިންދާ ބޯޓު ދަތުރުތަކުގައި ބޭނުންކުރާ ވައިގެ ބްރިޖުގެ ބައެއް ކަމަށް އީޓީ އިން މީގެ ކުރިން ބުނެފައިވެ އެވެ.
މި ވައިގެ ބްރިޖުގެ ސަބަބުން އީރާނާއި އަފްޣާނިސްތާނުގެ ވައިގެ ސަރަހައްދުން ދުރުވެ، ހުޅަނގު އޭޝިއާގެ ވައިގެ ސަރަހައްދު ބޭނުންކޮށްގެން އޮގަސްޓް މަހުގެ 6 އިން 15 އަށް ހަތިޔާރު ބަދަލުކުރި ކަމަށް މައުލޫމާތު ލިބިފައިވާ ފަރާތްތަކުން ބުނެ އެވެ. ހަތިޔާރު ތައް ޓްރާންސްފާ ކުރުމަށް ބޭނުންކުރީ ގްލޯބްމާސްޓާ މަތިންދާ ބޯޓެއް ކަމަށާއި އިނގިރޭސި ވިލާތުގެ ވައިގެ ސިފައިންގެ ސީ-17އޭ ގްލޯބްމާސްޓާ 3 (ކޯލް ސައިން ޒެޑްޒެޑް173) އަކީ ވެސް ޕާކިސްތާނުގެ ވައިގެ ބްރިޖް ބޭނުންކޮށްގެން، މިދެންނެވި މުއްދަތުގެ ތެރޭގައި ދުވާލެއްގެ މައްޗަށް ދަތުރުކުރުމަށް ބޭނުންކުރާ އެއްޗެއް ކަމަށް އީޓީއިން 2022 ވަނަ އަހަރުގެ ސެޕްޓެމްބަރު މަހު ރިޕޯޓުކޮށްފައިވެއެވެ. ޔޫކްރެއިންގެ އަސްކަރިއްޔާއަށް ބޭނުންވާ އާޓިލަރީ އެމިއުނިޝަން އުފުލާފައިވަނީ މި ވައިގެ ޒަރިއްޔާއިން ކަމަށް ވެދާނެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް