ލަންކާގެ މަސްބޯޓެއް -
ދިވެހި އަސްކަރިއްޔާގެ ޑްރޯންގެ އެހީގައި ރާއްޖޭގެ
ކަނޑުގެ ސަރަހައްދުން މި މަހުގެ ހަތްވަނަ ދުވަހު އަތުލައިގަތް 300 ކިލޯގެ މަސްތުވާތަކެތިގެ
ކޮންސައިންމެންޓަކީ ލަންކާގެ ދެ ޑްރަގްލޯޑުން ކަމުގައިވާ ބްލޫމެންޑަލް ސަންކަ އާއި
ޕަރަވި ސުދާގެ ކޮންސައިންމެންޓެއް ކަމަށް ބަލަން ފަށައިފިއެވެ.
ލަންކާގެ ނޫސްތަކުގައި ރިޕޯޓްކޮށްފައިވާގޮތުގައި އެ
ޑްރަގަކީ އެ ދެ ޑްރަގްލޯޑުންގެ ޑްރަގް ކަމަށް ލަންކާގެ ސެކިއުރިޓީ ފޯސަސްއިން
ޝައްކު ކުރެއެވެ.
ޑްރަގްގެ ބޮޑު އެ ކޮންސައިންމެންޓަކީ ޕާކިސްތާނުގެ
ޑްރަގް ޓްރެފިކަރަކު އެ ދެ ޑްރަގްލޯޑުންނަށް ފޮނުވި ޑްރަގް ކަމަށްވެސް
ތުހުމަތުކޮށްފައިވެއެވެ.
އެ 300 ކިލޯ ޑްރަގްގެ ތެރޭގައި ހިމެނެނީ ހެރޮއިން
އާއި ކްރިސްޓަލް މެތެވެ. އެ ޑްރަގް ހުރީ ލަންކާގެ މަސްބޯޓެއްގައެވެ. އެ ބޯޓުގެ ހަ
ފަޅުވެރިޔަކު މިހާރު ތިބީ ދިވެހި ފުލުހުންގެ ބެލުމުގެ ދަށުގައެވެ.
ލަންކާގެ ޕަބްލިކް ސެކިއުރިޓީ މިނިސްޓަރު އާނަންދަ
ވިޖެޕާލަ މިއަދު ބުނެފައިވަނީ ލަންކާގެ އެ ރައްޔިތުން ލަންކާއަށް ގެންދެވޭތޯ ދިވެހި
ސަރުކާރާ މަޝްވަރާ ކުރަމުން އަންނަ ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް