ހުކުރު ދުވަހު ހެނދުނު ގަޑިއިރެއްހާއިރަށް މާލެއިން ކަރަންޓު ކެނޑޭނެ، މާފަށް އެދެން: ސްޓެލްކޯ

މާދަމާ، ހުކުރު ދުވަހު ހެނދުނު ގަޑިއިރެއްހާއިރަށް ކަރަންޓު ކެނޑިދާނެކަމުގައި ސްޓެލްކޯއިން ބުނެފިއެވެ.

ސްޓެލްކޯއިން ބުނެފައިވާގޮތުގައި ހުޅުމާލޭ ދެވަނަ ފިޔަވަހީގައި ބަހައްޓާފައިވާ 132 ކޭ.ވީ. ގެ ހައިވޯލްޓޭޖް ސަބް ސްޓޭޝަން އެނަޖައިޒް ކުރުމަށް ކުރަންޖެހޭ މަސައްކަތް ކުރުމަށް ހެނދުނު 06:00 އާއި 08:00 އާއި ދެމެދު އެއް ގަޑިއިރުގެ ވަގުތަށް މާލޭގެ ބައެއް ސަރަހައްދުތަކުން ކަރަންޓު ޚިދުމަތް މެދުކެނޑޭނެއެވެ.

މީގެ އިތުރުން މާލެއާއި ހުޅުމާލޭގެ ބައެއް ސަރަހައްދުތަކުންވެސް އެވަގުތުގައި ކަރަންޓުގެ ހިދުމަތް މެދުކެނޑުމަކީ އެކަށީގެންވާކަމެއް ކަމަށާއި މިކަމުގައި ދިމާވެދާނެ ދަތިތަކަށް މާފަށް އެދޭކަމަށްވެސް ސްޓެލްކޯއިން ބުނެފައިވެއެވެ.