ބަންގްލަދޭޝްގެ ބޮޑުވަޒީރުކަމަށް ޝައިހް ހަސީނާ އަލުން އިންތިޚާބުވެވަޑައިގަތުމާ ގުޅިގެން، ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ތަހުނިޔާ ވިދާޅުވެ މެސެޖެއް ފޮނުއްވައިފިއެވެ.
ރައީސުލްޖުމްހޫރިއްޔާގެ މެސެޖުގައި، ބަންގްލަދޭޝްގެ ބޮޑުވަޒީރު ޝައިޚް ހަސީނާއަށް ދިވެހި ސަރުކާރާއި ރައްޔިތުންގެ ނަމުގައި ތަހުނިޔާ ވިދާޅުވެ، ރާއްޖެއާއި ބަންގްލަދޭޝްއާ ދެމެދުގައި އޮތް ޒަމާންވީ ގާތް އަވަށްޓެރި ގުޅުމުގެ މައްޗަށް އަލިއަޅުއްވާލެއްވިއެވެ.
ބޮޑުވަޒީރު ޝައިޚް ހަސީނާގެ ޒަޢާމަތުގައި ރާއްޖެއާއި ބަންގްލަދޭޝްއާ ދެމެދު އުފެދިފައި އޮތް ގުޅުން އިތުރަށް ބަދަހިވެ، ދެޤައުމަށްވެސް ފައިދާކުރާނެކަމަށް ރައީސުލްޖުމްހޫރިއްޔާގެ މެސެޖުގައި ވިދާޅުވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް