ޅ.އަތޮޅުން ދ. އަތޮޅަށް މެންދުރާއި ހަމައަށް ވައިޓް އެލާޓް ނެރެފައި

މޫސުން ގޯސްވާނެ ކަމަށް ލަފާކޮށް މެދު ރާއްޖެތެރެެއަށް ވައިޓް އެލާޓު ނެރެފި އެވެ.

އެލާޓު ނެރެފައިވަނީ ޅ. އަތޮޅުން ދ. އަތޮޅާއި ހަމައަށެވެ.

އެލާޓުގެ ވަގުތަކީ ހެނދުނު 6:30 ން މެންދުރު 12:00 އެވެ.

މޫސުމާއި ބެހޭ ގައުމީ އިދާރާއިން ލަފާ ކުރާ ގޮތުގައި މިވަގުތުތަކުގައި އެ ސަރަހައްދުގެ ރަށްތަކަށް އާންމު ގޮތެއްގައި 19 މޭލާއި 24 މޭލާއި ދެމެދުގެ ބާރު މިނުގައި ވައި ޖެހޭނެ އެވެ.

އަދި ކަނޑުތައް ގަދަވާނެ ކަމަށް ލަފާ ކުރެ އެވެ.

މެޓު އޮފީހުން ވަނީ މޫސުމަށް ސަމާލުވުމަސް އިލްތިމާސްކޮށްފައި އެވެ.