އިހަވަންދޫން ގެއްލިގެން ހޯދަމުންދިޔަ މީހާ ފެނިއްޖެ

ހއ.އިހަވަންދޫން އިއްޔެ ހަވީރު ގެއްލިގެން ހޯދަމުންދިޔަ، 31 އަހަރުގެ ހަސަން ފަހުދު ރަށުގެ ވަލުތެރެއިން ފެނިއްޖެއެވެ.

އެ ރަށުން މައުލޫމާތުދޭ ގޮތުގައި އޭނާގެ ހާލު ރަނގަޅެވެ.

އާއިލާއިން މައުލޫމާތުދޭ ގޮތުގައި ފަހުދު މޫދަށްދާ ވާހަކަބުނެ ހަވީރު 04:00 ގައި ގެއިން ނިކުމެގެންދިޔަފަހުން ހަބަރެއް ނުވާ ކަމަށެވެ. އޭގެ ފަހުން އޭނާ ގެއްލިގެން ހޯދަމުންދަނިކޮށް ފެނިފައިވަނީ ރަށުގެ އުތުރު ފަރާތު ވަރުތެރެއިން ރޭ މެންދަމު 12:35 ހާއިރުއެވެ.

ފަހުދު ހޯދަން  އެރަށު ކައުންސިލާއި ފުލުހުންގެ އިތުރުން އާންމުން ވަނީ މަސައްކަތްކޮށްފައެވެ.