ށ. އަތޮޅު ކަނޑުގެ ސަރަހައްދުގައި ކިންބުލެއް އުޅޭކަމުގެ މައުލޫމާތު ލިބިފައިވާތީ އެކަމަށް ސަމާލުވުމަށް ފުލުހުން އިލްތިމާސް ކޮށްފި އެވެ.
މިކަމާ ބެހޭގޮތުން ށ.އަތޮޅުގެ ޕޮލިސް ސްޓޭޝަނުން ބުނެފައިވަނީ އެ އަތޮޅުގެ ކަނޑުގެ ސަރަހައްދުން ކިނބުލެއް އުޅޭ ކަމުގެ މައުލޫމާތު ލިބުމުން އެ އަތޮޅުގެ ހުރިހާ ރަށެއްގެ ރައްޔިތުންވެސް އެކަމަށް ސަމާލުވުމަށް އިލްތިމާސް ކޮށްފައިވާނެ ކަމަށެވެ.
ދުވަހަށް މައުލޫމާތު ދެއްވަމުން ފުލުހުންގެ މީޑިއާ އޮފިޝަލް ވިދާޅުވީ މިރޭ 10:30 ހާއިރު ށ.ފުނަދުއާއި އެއަތޮޅު ކަނބާލިފަރާ ދެމެދުން ދަތުރު ކުރިދޯންޏަކަށް ދިގުމިނުގައި ގާތްގަނޑަކަށް ދެ ފޫޓު ހުންނަވަރުގެ ކިނބުލެއް ފެނުމުން އެކަން ރިޕޯޓް ކޮށްފައިވާކަމަށެވެ.
ކިނބުލާމެދު ސަމާލުވުމަށް ށ.އަތޮޅު ޕޮލިސް ސްޓޭޝަނުން އިލްތިމާސްކޮށްފައިވާއިރު މި ދުވަސްވަރަކީ ރާއްޖޭގެ ގިނަ ހިސާބުތަކަކުން ކިނބޫ ފެންނަ ދުވަސްވަރެކެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް