ވަޔާއި ކަނޑު ގަދަވާނެ ކަމަށް ލަފާކޮށް ބައެއް އަތޮޅުތައް ވައިޓް އެލާޓުގައި

ރާއްޖޭގެ ބައެއް ސަރަހައްދުތަކަށް މޫސުމާއި ބެހޭ ގައުމީ އިދާރާއިން ވައިޓް އެލާޓު ނެރެފި އެވެ.

ވައިޓް އެލާޓު ނެރެފައިވަނީ ބ. އަތޮޅުން އދ. އަތޮޅާއި ދެމެދުގެ ސަރަހައްދަށެވެ.

އެލާޓު ނެރެފައިވަނީ މެންދުރު11:30 ން ހަވިރު5:30 އަށެވެ.

މެޓުން ލަފާ ކުރާ ގޮތުގައި އެ ސަރަހައްދަށް ވަޔާއި ކަނޑު ގަދަވާނެ އެވެ. އާންމު ގޮތެއްގައި ވައި ޖެހޭނީ19 މޭލާއި24 މޭލާއި ދެމެދުގެ ބާރު މިނުގައި އެވެ.

މެޓުން ވަނީ މޫސުމަށް ސަމާލުވުމަށް އިލްތިމާސްކޮށްފައި އެވެ.