މާލޭ ރަށްދެބައިމަގަށް ގިނަ އަދަދެއްގެ ކުނި އެޅި ބަޔަކު ހޯދަމުން އަންނަ ކަމުގައި މާލޭ ސިޓީގެ މޭޔަރު ވިދާޅުވެއްޖެއެވެ.
ރަށްދެބައިމަގަށް ގިނަ އަދަދެއްގެ ކުނިއަޅާފައިވާ މަންޒަރު ފެންނަ ވީޑިއޯތަކެއް މީހަކު އެކްސްގައި ޕޯސްޓްކޮށްފައިވެއެވެ. އަދި އެ ޕޯސްޓްގައި ދިވެހި ފުލުހުންނާއި މާލޭ ސިޓީ ކައުންސިލް ޓެގްކޮށްފައިވެއެވެ.
އެ ވީޑިއޯތަކުން ފެންނަގޮތުގައި ޕޭމަންޓުން ބަޔަކާއި މަގުން ބަޔަކަށްވާހެން ބޮޑު ސަރަހައްދަކަށް ގިނަ އަދަދަކަށް ކުނި އަޅާފައިވެއެވެ.
އެކްސްގައި ކޮށްފައިވާ އެ ޕޯސްޓް ރީޕޯސްޓް ކުރައްވަމުން މާލޭ ސިޓީ ކައުންސިލްގެ މޭޔަރު އާދަމް އާޒިމް ވިދާޅުވެފައިވަނީ އެކަން ކުރިބަޔަކު ހޯދުމުގެ މަސައްކަތް ފުލުހުންނާއި ގުޅިގެން ކުރަމުން އަންނަ ކަމަށެވެ.
ރީތި ފެހި އަމާން ސާފު މާލެ ސިޓީއެއް ދިނުމަށް ވެމްކޯއާއި މާލެ ސިޓީ ކައުންސިލް ގުޅިގެން މިކުރާ މަސައްކަތުގައި އަޅުގަނޑުމެން ހިތްވަރާއެކު ފޫހިކަމެއްނެތި ގަދަ ހިތްވަރާއެކު ކުރިއަށްގެންދާނެކަމުގައިވެސް މޭޔަރު ވިދާޅުވެފައިވެއެވެ.
ކިހާ ދެރަކަމެއް…. @adamazim @PoliceMvCP pic.twitter.com/YMdxubrc1Q
— Muhammad Aiysh (@Muhammad_Aiysh) June 6, 2024
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް