ނަޝީދަށް ދިން ހަމަލާއާ ގުޅޭ ޕްރެސްއެއް މިއަދު

ރައީސް ނަޝީދަށް އަމާޒުކޮށް ދިން ޓެރަރިސްޓް ހަމަލާއާއި ގުޅޭ ނޫސްވެރިންގެ ބައްދަލުވުމެއް މިއަދު ބޭއްވުމަށް ފުލުހުން ނިންމައިފިއެވެ.

ނޫސްވެރިންގެ މި ބައްދަލުވުން ބާއްވަން ނިންމާފައިވަނީ މިއަދު މެންދުރު 01:30ގައެވެ.

ރައީސް ނަޝީދަށް ހަމަލާ އަމާޒުވިތާ މިއަދަށް އެއް މަސް ދުވަހު ފުރޭއިރު މި މައްސަލައާއި ގުޅޭ ނޫސްވެރިންގެ ބައްދަލުވުމެއް ފުލުހުން އެންމެ ފަހުން ބާއްވާފައިވަނީ މިދިޔަ މަހުގެ 20 ވަނަ ދުވަހުގައެވެ.

މި ހަމަލާއާއި ގުޅިގެން މިހާރު ހަތަރު މީހަކު ހައްޔަރުކޮށްފައިވާއިރު މި ހަމަލާ ރޭވުމާއި ފަންުޑު ކުރުމުގައި ބައިވެރިވި ބަޔަކު ހޯދަން ރައީސް ނަޝީދުގެ ސަޕޯޓަރުން އަންނަނީ ގޮވާލަމުންނެވެ.