އިތުރު ތިން ސަފީރަކަށް މަޖިލީހުން ރުހުން ދީފިއެވެ. މަޖިލީހުން މިއަދު ރުހުން ދީފައިވަނީ،ސައުދި އަރަބިއްޔާ، ޗައިނާ އަދި ބަގްލަދޭޝްއަށް ކަނޑައެޅި ދިވެހި ޝަފީރުންނަށެވެ.
އެގޮތުން ސައުދީ އަރަބިއްޔާގެ ދިވެހި ސަފީރަކަށް ، ނ.ހޮޅުދޫ އުފަންވެލި/ މުހައްމަދު ތޯހާ އަދި ޗައިނާގެ ދިވެހި ޝަފީރަކަށް މ.ފަށަލަ/ ޑރ. މުހައްމަދު ފަޒީލް ނަޖީބު އޭގެ އިތުރުން ބަގްލަދޭޝްގައި ހުންނަ ދިވެހި ޝަފީރަކަށް ސ. ހުޅުދޫ އަސާރީގެ/ ޝިއުނީން ރަޝީދު އައްޔަން ކުރުމަށް މަޖިލީހުން މިއަދު ވަނީ ފާސްކޮށްފައެވެ.
މީގެ ކުރިން މި ސަރުކާރުން ފޮނުވި 8 ޝަފީރަކަށް ވަނީ މަޖިލީހުން ވަނީ ރުހުން ދީފައެވެ.
މި 8 ޝަފީރުންނަށް ރުހުން ދިނުމަށް މަޖިލީހުން ނިންމެވީ އޭޕްރިލް މަހު 23 ވަނަ ދުވަހުއެވެ.
މިގޮތުން މިހާތަނަށް 11 ގައުމަކަށް ޝަފީރުން އައްޔަން ކުރެވިފައިވާއިރު، ޝަފީރުންގެ ގޮތުގައި އައްޔަން ކުރެވިފައިވާ ބޭފުޅުންނަކީ، މިއަދު ރުހުން ދިން ތިން ސަފީރުންގެ އިތުރުން:-
- ޔޫއޭއީގައި ހުންނަވާ ރާއްޖޭގެ ސަފީރަކަށް މުހައްމަދު ހުސެން ޝަރީފް
- އދ.ގައި ހުންނަވާ ރާއްޖޭގެ ދާއިމީ މަންދޫބަކަށް ޑރ. އަލީ ނަސީރު މުހައްމަދު
- އިނގިރޭސިވިލާތުގައި ހުންނަވާ ރާއްޖޭގެ ސަފީރަކަށް ޑރ. އިރުތިޝާމް އާދަމް
- ސްރީ ލަންކާގައި ހުންނަވާ ރާއްޖޭގެ ސަފީރަކަށް މަސްއޫދު އިމާދު
- މެލޭޝިއާގައި ހުންނަވާ ރާއްޖޭގެ ސަފީރަކަށް ޑރ. މަރިޔަމް ޝަބީނާ އަހުމަދު
- ޔޫރަޕިއަން ޔޫނިއަން އަދި ބެލްޖިއަމްގައި ހުންނަވާ ރާއްޖޭގެ ސަފީރަކަށް ގީލާ އަލީ
- ޖެނީވާގައި ހުންނަވާ އދ.ގެ އޮފީސްތަކަށް ރާއްޖޭން ކަނޑައަޅާފައި ހުންނަވާ ދާއިމީ މަންދޫބަކަށް ޑރ. ސަލްމާ ރަޝީދު
- ސިންގަޕޫރުގައި ހުންނަވާ ޝަފީރަކަށް މުހައްމަދު ލުވޭޒްއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް