ހިޔާ ދެ އެޕާޓްމެންޓެއް އެއްކޮށްލުމުން ދެ ލައްކައިން ޖޫރިމަނާކޮށްފި

ހިޔާ ފްލެޓްގެ ދެ އެޕާޓްމެންޓެއް އެއްކޮށްލި މައްސަލައެއް ފެންމަތިވެ އެ މައްސަލައާއި ގުޅިގެން އެއިން ކޮންމެ ފްލެޓެއް ލައްކައަކުން ޖޫރިމަނާކޮށްފިއެވެ.

މީޑިއާތަކަށް މައުލޫމާތުދެމުން އާބަންކޯއިން ބުނެފައވަނީ ހިޔާ ފްލެޓުތަކުގެ އިމާރާތެއްގައި ދެ އެޕާޓްމަންޓް އެއްކޮށްލައިގެން ހަދާފައިވާކަމުގެ ރިޕޯޓު އެ ކޯޕަރޭޝަނަށް ލިބުމާއިގުޅިގެން، އެ ކޯޕަރޭޝަނުން ބެލި ބެލުމުން މިހާރު ވަނީ އެއީ ކޮން އެޕާޓްމަންޓްތަކެއްކަން ދެނެގަނެވިފައި ކަމަށެވެ.

"މިއެޕާޓްމަންޓުގެ އިންޓީރިއަރ ހެދުމުގެ މަސައްކަތް ކުރި އިރު، މިކޯޕަރޭޝަނުން ހެދިފައިވާ އުސޫލުތަކާއި ހިލާފަށް ދެފަރާތުން ވަނީ ދެ އެޕަރޓްމަންޓުގެ މެދު ފާރު ތަޅާލައި، 4 ކޮޓަރީގެ އެއް އެޕާޓްމަންޓަކަށް ބަދަލުކޮށްފައި" އެޗްޑީސީން ބުނެފައިވެއެވެ.

އެހެންކަމުން މި މައްސަލަ ބެލުމަށް ފަހު ކޮންމެ އެޕާރޓްމަންޓެއް، 100،000ރ އިން ޖޫރިމަނާކޮށް، ފަސް ދުވަހުގެ ތެރޭގައި ދެ ފަރާތުން ވެސް އެ ފައިސާ ދެއްކުމަށް އަންގާފައިވާނެކަމަށް އެޗްޑީސީން ބުނެފައިވެއެވެ.