ނެމީބިއާގެ ރައީސް އަވަހާރަވުމާ ގުޅިގެން ދެ ދުވަސް ވަންދެން ދިވެހި ދިދަ ބައިދަނޑިއަށް ތިރިކުރުމަށް ނިންމައިފި

ނެމީބިއާގެ ރައީސް ހާގޭ ގެންގޮބް، އަވަހާރަވުމާ ގުޅިގެން އެކަމުގެ ހިތާމައިގައި، ދެ ދުވަސް ވަންދެން ދިވެހި ދިދަ ބައިދަނޑިއަށް ތިރިކުރުމަށް ނިންމައިފިއެވެ.

ރައީސް އޮފީހުން ބުނީ 6 ފެބްރުވަރީ 2024 ވާ އަންގާރަ ދުވަހުން ފެށިގެން 7 ފެބުރުވަރީ 2024 ވާ ބުދަ ދުވަހުގެ ނިޔަލަށް، ދިވެހި ޤައުމީ ދިދަ ބައިދަނޑިއަށް ތިރިކުރެއްވުމަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ހަމަޖައްސަވާފައިވާ ކަމަށެވެ.

މި ކަން އިޢުލާންކުރައްވާފައި ވަނީ، ރައީސުލްޖުމްހޫރިއްޔާގެ އޮފީހުން މިއަދު ނެރުއްވި 2024/05 ނަންބަރު ދެންނެވުމުގައެވެ.

ނޭމީބިއާގެ ރައީސް ހާގޭ ގެއިންގޮބް އިއްޔެ އަވާހަރަވެފައިވަނީ ކެންސަރު ބައްޔަށް ޕޮޒިޓިވްވިތާ ހަފުތާއެއްހާ ދުވަސް ފަހުން ހޮސްޕިޓަލުގައި ފަރުވާ ދެމުން ދަނިކޮށެވެ.