ކުރިއަށް މި އޮތް ރިޔާސީ އިންތިހާބުގައި ރައީސް ސޯލިހަށް ފޯމިއުލާ ރަނގަޅަށް ދައްކާލާނެ ކަމުގައި އިދިކޮޅު ކޯލީޝަން ލީޑުކުރައްވާ އަބްދުއްރަހީމް އަބްދުﷲ (އަދުރޭ) ވިދާޅުވެއްޖެއެވެ.
އެ ކޯލީޝަންގައި ހިމެނޭ ޕީއެންސީގެ ރައީސް، އަދުރޭ މިހެން ވިދާޅުވީ ރޭ އެ ކޯލީޝަނުން ބޭއްވި "ދުއްޕާން" ޖަލްސާގައި ވާހަކަފުޅު ދައްކަވަމުންނެވެ.
އިންތިހާބު ކާމިޔާބު ކުރާނެ ފޯމިއުލާ އޮތް ކަމުގައި ރައީސް ސޯލިހް ވިދާޅުވެފައިވާއިރު އެކަމަށް ޖޯކު ޖައްސަވަމުން އަދުރޭ ވިދާޅުވީ އެ ފޯމިއުލާ އޮތީ ޕީޕީއެމްގެ އަތުގައި ކަމަށާއި 2023 ގައި ފޯމިއުލާ ހިފައިގެން ނިކުމެ ފޯމިއުލާ ރަނގަޅަށް ދައްކާލާނެ ކަމުގައިވެސް އަދުރޭ ވިދާޅުވިއެވެ.
އަދުރޭ އިތުރަށް ވިދާޅުވީ ރައީސް ޔާމީންގެ އަޑު ކަނޑުވައެއް ނުލެވޭނެ ކަމަށާއި ރައީސް ޔާމީންގެ ވިސްނުންވެސް ބަދަލު ނުކުރެވޭނެ ކަމަށާއި އަދި ރައީސް ޔާމީންގެ ލަޝްކަރުވެސް ބަދަލު ނުކުރެވޭނެ ކަމަށެވެ.
މީގެ އިތުރުން، ރިޔާސީ އިންތިހާބުގެ ވޯޓުލާ ކަރުދާހުގައި ރައީސް ޔާމީންގެ ނަންފުޅު އޮންނާނެކަމުގައި ތަކުރާރުކޮށް އަދުރޭ ވިދާޅުވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް