ޖިންސުގެ ހަމަހަމަކަމުގެ ގިންތީގައި ރާއްޖެއަށް ނުވަ ދަރަޖައިގެ ކުރިއެރުމެއް

ވޯލްޑް އިކޮނޮމިކް ފޯރަމް އިން ކޮންމެ އަހަރަކު އާއްމު ކުރަމުން އަންނަ ޖެންޑަރ ގެޕް ރިޕޯޓްގައި ރާއްޖެއަށް ނުވަ ދަރަޖައިގެ ކުރިއެރުމެއް ލިބިއްޖެ އެވެ.

ވޯލްޑް އެކޮނޮމިކް ފޯރަމް އިން މި ރިޕޯޓް ނެރެން ފަށާފައިވަނީ 2006 ވަނަ އަހަރުގަ އެވެ. މިއީ މި ރިޕޯޓް ނެރޭ 11 ވަނަ އަހަރެވެ.

މިދިޔަ އަހަރު މި އިންޑެކްސްގައި ރާއްޖެއަށް ލިބިފައިވަނީ 115 ވަނަ އެވެ. މި އަހަރު ލިބިފައިވަނީ 106 ވަނަ އެވެ.

މި ސަރަހައްދުގެ ގައުމުތަކަށް ބަލާއިރު މި އިންޑެކްސްގައި ފާއިތުވި ތިން އަހަރުވެސް އެންމެ ކުރީގައި އުޅެނީ ބަންގްލަދޭޝް އެވެ. މިދިޔަ އަހަރު ބަންގްލަދޭޝް 72 ވަނައިގާ އޮތް އިރު މި އަހަރު އޮތީ 47 ވަނައިގަ އެވެ.