ސެމްސަންގެ ފަތްޖެހޭ ފޯނު މިހާރު އުރީދޫ މޫލީން ގަނެވޭނެ

ސެމްސަންގްގެ އެންމެ ފަހުގެ ފަތް ޖެހޭ ފޯނު އުރީދޫ މޫލީލް ގަނެވޭ ގޮތް ހަދައިފި އެވެ.

އުރީދޫން ބުނީ، ހުރިހާ ކަސްޓަމަރުންނަށް ފަތްޖެހޭ ސެމްސަންގް ޒީ ފޯލްޑް ފޯނު ގަތުމަށް މޫލީ މެދުވެރިކޮށް މިހާރު އޯޑަރު ކުރެވޭނެ ކަމަށެވެ. މޫލީ މެދުވެރިކޮށް ފޯނު ގަންނަ ފަރާތްތަކަށް ރާއްޖޭގެ ކޮންމެ ހިސާބަކަށް އެ ފޯނު ޑެލިވަރީ ކޮށްދޭނެ ކަމަށް އުރީދޫން ބުނެ އެވެ.

މޫލީ އިން ލިބެން ހުރީ ސެމްސަންގް ޒީ ފޯލްޑްގެ 256 ޖީބީގެ ފެންޓަމް ބްލެކް އެވެ.

އިސްލާމިކް ބޭންކުގެ އިންސްޓޯލްމަންޓް ސްކީމު ބޭނުންކޮށްގެން ފޯން ގަނެވިދާނެ އެވެ.

މާކެޓުގައި މިހާރު ހުރި އެންމެ އަގު ބޮޑު ފޯނުތަކުގެ ތެރޭގައި ހިމެނޭ ސެމްސަންގެ ފަތްޖެހޭ އެ ފޯނަކީ 7.6 އިންޗީގެ ޑިސްޕްލޭއެއް ހުރެ އެވެ.