ހަ މީހަކާއެކު ކަނޑުމަތީގައި ހާލު ޖެހުނު ލޯންޗަކަށް ނ. ހޮޅުދޫ ޕޮލިހުން އެހީތެރިކަން ފޯރުކޮށްދީފިއެވެ.
ނޫނު ޕޮލިހުން މިއަދު ބުނެފައިވާގޮތުގައި އެ ލޯންޗަކީ ނ. ލަންދޫއިން ފުރައިގެން ރ. ދުވާފަރަށް ދަތުރުކުރި ލޯންޗެއް ކަމަށާއި އެ ލޯންޗުގައި ދެ އަންހެނަކާއި ހަތަރު ފިރިހެނަކު ތިބި ކަމަށެވެ.
ފުލުހުން ބުނެފައިވާގޮތުގައި އެ ލޯންޗު ނ. ހޮޅުމީދުއާއި ނ. ފޮއްދުއާއި ދެމެދު އިންޖީނު ހުއްޓިފައި އޮތްކަމަށްބުނެ ހޮޅުދޫ ޕޮލިސް ސްޓޭޝަނަށް އެ މަޢުލޫމާތުދިނީ އެ ލޯންޗުގެ ކެޕްޓަން ކަމަށެވެ.
ހޮޅުދޫ ޕޮލިސް ސްޓޭޝަންގެ ފަރާތުން އެހީތެރިކަން ފޯރުކޮށްދީ އެ ލޯންޗު މިހާރު ނ. ފޮއްދުއަށް ގެންގޮސްފައިވާކަމަށްވެސް ނޫނު ފުލުހުން ބުނެފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް