މިއަދުވެސް އައްޑޫ ސިޓީގެ އެކި ސަރަހައްދުތަކުން ކަރަންޓު ކަނޑާތީ ހިތަދޫ މެދު ދާއިރާގެ މެންބަރު އަހްމަދު އަޒާން އެކަމާ ކަންބޮޑުވުން ފާޅުކޮށްފިއެވެ.
އައްޑޫ ފެނަކައިން ކޮމިއުނިޓީއަށް ކޮށްފައިވާ މެސެޖު ފެންނަ ޕޯސްޓަކާއެކު އަޒާން ބުނެފައިވަނީ އައްޑޫގެ އެކި ސަރަހައްދުތަކުން މިއަދުވެސް ކަރަންޓު ކަނޑަން ފެނަކައިން ނިންމާފައިވާއިރު ކަރަންޓުގެ މައްސަލަ ރަމަޟާން މަހަށް ހައްލު ކުރެވޭނެކަމަށް މީގެ ކުރިން ފެނަކައިން ބުނެފައިވާކަމަށެވެ.
ފެނަކަ ކޮމިއުނިޓީގެ މެސެޖުގައި ބުނެފައިވަނީ ލޯޑު މަތިވަމުންދާތީވެ، މެނޭޖްކުރުމަށްޓަކައި އެއް ގަޑިއިރަށް ކަރަންޓުގެ ޚިދުމަތް މެދުކެނޑިގެންދާނެ ކަމަށެވެ.
މެންބަރު އަޒާން ވިދާޅުވެފައިވަނީ ރޯދަމަހާއި ހަމައަށްވެސް މައްސަލަ ހައްލު ނުވުމަކީ ހިތާމަކުރާ ކަމެއް ކަމަށާއި އައްޑޫއަށް ބޭނުންވާވަރަށް ކަރަންޓު އުފައްދަން އިންޖީނުތައް ނުގެނެވެންވީ އެއްވެސް ސަބަބެއް އޮވެގެން ނުވާނެ ކަމަށެވެ.
އައްޑޫގެ އެކި ސަރަހައްދުތަކުން މިއަދުވެސް ކަރަންޓު ކަނޑަން ފެނަކައިން ވަނީ ނިންމާފަ. ކަރަންޓުގެ މައްސަލަ ރަމަޟާންމަހަށް ހައްލު ކުރެވޭނެ ކަމަށް މީގެ ކުރިން ފެނަކައިން ވަނީ ބުނެފަ. ހިތާމައަކީ އަދިވެސް އެކަން ނުކުރެވޭކަން. އައްޑޫއަށް ބޭނުންވާވަރަށް ކަރަންޓު އުފައްދަން އިންޖީނުތައް… pic.twitter.com/w83czONGSy
— Ahmed Azaan (@axanner) March 4, 2025
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް