ދެކުނު ކޮރެއާގެ "އިންޑޯ ޕެސިފިކް ސްޓްރެޓެޖީ"އިން އިންޑިޔާގެ ކުރިއެރުމުގެ ފުރުޞަތު ވަރަށް ބޮޑު ކަމަށް ހާމަކޮށްފި

ދެކުނު ކޮރެއާގެ ޚާރިޖީ ވުޒާރާއިން ބުދަ ދުވަހު ނެރުނު ސްޓްރެޓެޖީ ޑޮކިއުމެންޓުގައި ބުނެފައިވަނީ އިންޑިއާގެ އާބާދީ ބޮޑުކަމުންނާއި ޒަމާނީ އައިޓީ އަދި ސްޕޭސް ޓެކްނޮލޮޖީގެ ސަބަބުން އިންޑިއާއަށް "ކުރިއެރުމުގެ ފުރުޞަތު ވަރަށް ބޮޑު" ކަމަށެވެ.

އިންޑޯ ޕެސިފިކް ސްޓްރެޓެޖީގެ ދަށުން ދެކުނު އޭޝިއާގެ މުހިންމު ޕާޓްނަރުންނާ އެކު ގުޅުން ބަދަހިކޮށް އެހީތެރިކަން ފޯރުކޮށްދިނުމަށް ސޯލް އިން ވަނީ ނިންމައިފަ އެވެ. ދެކުނު ކޮރެއާއިން ވަނީ ޕޮލިސީ ޑޮކިއުމެންޓުގައި އިންޑިއާއާ އެކު އޮންނަ ހާއްސަ ސްޓްރެޓެޖިކް ޕާޓްނާޝިޕް ކުރިއަށް ގެންދަން ބޭނުންވާ ކަމަށް ބުނެފަ އެވެ.

"ދުނިޔޭގެ އާބާދީގެ 24 ޕަސެންޓް އަދި އިރުމަތީ އަދި ހުޅަނގު އޭޝިއާގެ ކްރޮސްރޯޑްސްގައި އަދި އެއްގަމާއި ކަނޑުގެ ދެމެދުގައި އޮންނަ ދެކުނު އޭޝިއާ އަކީ ކުރިއެރުމުގެ ފުރުސަތު ބޮޑު ސަރަހައްދެއް. ރިޕަބްލިކް އޮފް ކޮރެއާއިން ދެކުނު އޭޝިއާގެ މުހިންމު ޕާޓްނަރުންނަށް ދޭ އެހީތެރިކަމާއި އެއްބާރުލުން އިތުރުކުރާނެ ކަމަށް ދެކުނު ކޮރެއާގެ ޚާރިޖީ ވުޒާރާއިން ބުނެފިއެވެ.

"އެންމެ ފުރަތަމަ ވެސް އަޅުގަނޑުމެން ސްޓްރެޓެޖިކް ޕާޓްނާޝިޕް އިތުރަށް ހަރުދަނާ ކުރާނެ ކަމަށާއި، ސަރަހައްދީ މައިދާނުގައި ހިއްސާވާ އަސާސްތަކާ އެކު ލީޑިންގ ޕާޓްނަރެއް ކަމަށްވާ އިންޑިއާއާ އެކުގައި ކަމަށެވެ. ދުނިޔޭގެ ދެވަނައަށް އެންމެ ބޮޑު އާބާދީއާއި، ޒަމާނީ އައިޓީ އަދި ސްޕޭސް ޓެކްނޮލޮޖީތަކާއެކު، އިންޑިޔާއަކީ ކުރިއެރުމުގެ ފުރުޞަތު ވަރަށް ބޮޑު ޤައުމެކެވެ.

ދެކުނު ކޮރެއާގެ ޚާރިޖީ ވުޒާރާއިން ބުނީ މަތީ ފެންވަރުގެ ޚާރިޖީ ކަންކަމާއި ދިފާއީ އެކްސްޗޭންޖްތަކުގެ ސަބަބުން ސްޓްރެޓެޖިކް ކޮމިއުނިކޭޝަން އަދި އެއްބާރުލުން އިތުރުވެގެންދާނެ އެވެ.

ރިޕަބްލިކް އޮފް ކޮރެއާ އިން ބުނީ އެ ގައުމުގެ ގައުމީ މަސްލަހަތަކީ މި ސަރަހައްދުގެ ހަމަޖެހުމާއި ތަނަވަސްކަމާ ގުޅިފައިވާ ކަމެއް ކަމަށެވެ.

"އިންޑޯ ޕެސިފިކް ސަރަޙައްދަކީ ދުނިޔޭގެ އާބާދީގެ 65 އިންސައްތަ، ދުނިޔޭގެ ޖީޑީޕީގެ 62 އިންސައްތަ، ބައިނަލްއަޤްވާމީ ވިޔަފާރީގެ 46 އިންސައްތަ އަދި ދުނިޔޭގެ ކަނޑުދަތުރުފަތުރުގެ ދެބައިކުޅަ އެއްބައި ދިރިއުޅޭ ސަރަޙައްދެކެވެ. އަދި މިއީ އިގްތިސާދީ ގޮތުންނާއި ޓެކްނޮލޮޖީގެ ގޮތުން ވެސް ހަރުދަނާ ސަރަހައްދެއް ކަމަށާއި ސެމިކޮންޑަކްޓަރު ފަދަ ސްޓްރެޓެޖިކް އިންޑަސްޓްރީގެ މުހިންމު ޕާޓްނަރުން ވެސް އެބަތިބި ކަމަށް އެ ލިޔުމުގައި ވެ އެވެ.

"އިންޑޯ-ޕެސިފިކް ސަރަޙައްދަކީ މިނިވަން، ސުލްހަވެރި އަދި ދެމެހެއްޓެނިވި ގޮތެއްގައި ތަނަވަސް ސަރަހައްދަކަށް ވުމަށްޓަކައި، މި ސަރަޙައްދުގެ ތެރެއިންނާއި ބޭރުގެ ޤައުމުތަކުގެ މެދުގައި އެއްބާރުލުން ކުރިއަށްވުރެ މިހާރު ވަރަށް ބޮޑަށް ބޭނުންވާކަމަށް،" އެ ލިޔުމުގައި ވެ އެވެ.