ޤާނޫނު ތަންފީޒު ކުރުމުގައި ވަކި މީހެއް އިސްތިސްނާ ނުވަތަ ޙާއްސަ ނުކުރާނެ ކަމުުގެ ޔަގީން ކަން ދާޙިލީ ސަލާމަތާއި ފަންނިއްޔަތާ ބެހޭ ވުޒާރާގެ ވަޒީރު އަލީ އިހުސާން ދެއްވައިފިއެވެ.
މިކަން ހާމަވެގެން ދިޔައީ، ވަޒީރުގެ އާއިލީ ކުންފުންޏެއް ކަމަށްވާ ހެޕީ މާޓްގެ އުޅަނދެއްވެސް ގަވައިދާ ޚިލާފަށް ޕާކުކޮށްފައި ހުރުމުން ހަމަހަމަ ފިޔަވަޅު އަޅާފައިވާތީއެވެ.
ވަޒީރު ވިދާޅުވީ، ރައީސުލްޖުމްހޫރިއްޔާ ޑރ މުޢިއްޒުގެ އެންގެވުމާއި އެއްގޮތަށް ޤާނޫނު ތަންފީޒު ކުރުމުގައި ވަކި މީހެއް އިސްތިސްނާ ނުވަތަ ޚާއްސަ ނުކޮށް އެންމެންނަށްވެސް ހަމަ ހަމަ ކޮށް ޤާނޫނު ތަންފީޒު ކުރުން ކަމަށެވެ. އަދި ދިވެހި ފުލުހުންގެ އިތުރުން އެހެން ތަންފީޒީ އިދާރާތަކުންވެސް އެގޮތުގައި ރާއްޖޭގައި ޤާނޫނުތައް ތަންފީޒު ކުރައްވާނެ ކަމަށެވެ.
Reesul jumhooriyya @MMuizzu angavaafaivany Qaanoonu thanfeezu kurumuga vaki meeheh isthisnaa nuvatha khaassa nukurumah. Emmenahves hamahama koh qaanoon thanfeezu kurumah. @PoliceMv adhi ehen thanfeezee idhaaraathakun egothugai raajjeyge Qaanoonuthah thanfeezu kuraane. pic.twitter.com/0A6Duw0Ltt
— Minister of Homeland Security & Technology (@min_mohst) August 2, 2024
ފުުލުހުން ދަނީ ޤަވައިދާ ޚިލާފަށް ޕާކް ކޮށްފައިވާ އުޅަނދުތައް ނަގަމުންނެވެ. މިކަމާ ގުޅިގެން ބައެއް ފަރާތްތަކުން ހިތްހަމަ ނުޖެހި ރޭގެ ވަގުތެއްގައި ވަނީ މުޒާހަރާ ވެސް ކޮށްފައެވެ.
ހެޕީ މާކެޓަކީ ވަޒީރު އަލީ އިހްސާންގެ ޢާއިލީ ވިޔަފާރިއެކެވެ. ވަޒީރު ކަމާ ހަވާލުވެލެއްވުމުގެ ކުރިން އިހްސާން ހުންނެވީ އެ ކުންފުނީގެ ސީއީއޯގެ މަޤާމުގައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް