އުތުރާއި މެދުރާއްޖެ ތެރެއަށް ނެރެފައިވާ ޔެލޯ އެލާޓުގެ ވަގުތު އިތުރުކޮށްފި

ރާއްޖޭގެ ބޮޑު ބަޔަކަށް ކަނޑާއި ވައި ގަދަވާނެ ކަމަށް ލަފާކޮށް ނެރެފައިވާ ޔެލޯ އެލާޓުގެ ވަގުތު އިތުރުކޮށްފި އެވެ.

ވައި ގަދަވާނެ ކަމަށް ލަފާކޮށްފައިވަނީ ހއ. އަތޮޅުން ފެށިގެން އދ. އަތޮޅާއި ހަމައަށެވެ. ފުރަތަމަ 12:30 ން ހަވީރު 4:30 ނެރުނު ޔެލޯ އެލާޓުގެ ވަގުތު މިހާރު ވަނީ މިރޭ 8:30 އާއި ހަމައަށް އިތުރުކޮށްފަ އެވެ.

އެވަގުތަކުގައި އާންމުގޮތެއްގައި އެ ސަރަހައްދަށް ވައި ޖެހޭނެ ކަމަށް ލަފާ ކުރަނީ25 މޭލާއި30 މޭލާއި ދެމެދުގެ ބާރު މިނުގައި އެވެ. ވިލާގަނޑުގައި45 މޭލަށް ވައި ގަދަވާނެ އެވެ.

ކަނޑުތައްވެސް ވަރަށް ގަދަވާނެ ކަމަށް މެޓް އޮފީހުން ލަފާ ކުރެ އެވެ.

ރާޅުގެ އުސްމިނުގައި4 ފޫޓާއި ހަތް ފޫޓު ހުންނާނެ ކަމަށް މައުލޫމާތުދެ އެވެ.

މެޓް އޮފީހުން ވަނީ މޫސުމަށް ސަމާލުވުމަށް އިލްތިމާސްކޮށްފަ އެވެ.