ހއ. އަތޮޅުން އދ. އަތޮޅާއި ހަމައަށް ރީނދޫ އެލާޓުގައި

ރާއްޖޭގެ ބޮޑު ބަޔަކަށް ކަނޑާއި ވައި ގަދަވާނެ ކަމަށް މޫސުމާއި ބެހޭ ގައުމީ އިދާރާއިން ލަފާކޮށްފި އެވެ.

ވައި ގަދަވާނެ ކަމަށް ލަފާކޮށްފައިވަނީ ހއ. އަތޮޅުން ފެށިގެން އދ. އަތޮޅާއި ހަމައަށެވެ. ވަގުތަކީ ހެނދުނު 12:30 ން ހަވީރު 4:30 އެވެ.

އެވަގުތަކުގައި އާންމުގޮތެއްގައި އެ ސަރަހައްދަށް ވައި ޖެހޭނެ ކަމަށް ލަފާ ކުރަނީ25 މޭލާއި30 މޭލާއި ދެމެދުގެ ބާރު މިނުގައި އެވެ. ވިލާގަނޑުގައި45 މޭލަށް ވައި ގަދަވާނެ އެވެ.

ކަނޑުތައްވެސް ވަރަށް ގަދަވާނެ ކަމަށް މެޓް އޮފީހުން ލަފާ ކުރެ އެވެ.

ރާޅުގެ އުސްމިނުގައި4 ފޫޓާއި ހަތް ފޫޓު ހުންނާނެ ކަމަށް މައުލޫމާތުދެ އެވެ.

މެޓް އޮފީހުން ވަނީ މޫސުމަށް ސަމާލުވުމަށް އިލްތިމާސްކޮށްފަ އެވެ.