އެމްޕީއެލްގެ މެނޭޖިން ޑިރެކްޓަރު އަދި ބޯޑު މެންބަރުކަމުން ވަޖީހު ވަކިކޮށްފި

މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ މެނޭޖިން ޑިރެކްޓަރު ކަމުންނާއި ބޯޑު މެންބަރުކަމުން މުހައްމަދު ވަޖީހު އިބްރާހިމް ވަކިކޮށްފިއެވެ.

މިކަން ހާމަކޮށް ޕްރައިވަޓައިޒޭޝަން އަދި ކޯޕަރަޓައިޒޭޝަން ބޯޑުން ދެންމެ ބުނެފައިވަނީ ‏މޯލްޑިވްސް ޕޯޓްސް ލިމިޓެޑްގެ މެނޭޖިން ޑިރެކްޓަރު ކަމުގެ މަޤާމުންނާއި ބޯޑު ޑިރެކްޓަރު ކަމުގެ މަޤާމުން ދަފްތަރު ނަންބަރު ރސ 4589، އަލްފާޟިލް މުޙައްމަދު ވަޖީހު އިބްރާހީމް، މިއަދު ވަނީ ވަކި ކުރެވިފައި ކަމަށެވެ.

އެމްޕީއެލްގެ ސީއީއޯގެ މަޤާމަށް ވަޖީހު އައްޔަންކޮށްފައިވަނީ 28 ނޮވެމްބަރު 2023 ވަނަ ދުވަހުގައެވެ.