ބުރާސްފަތި ދުވަހުގެ ރޭ މާފަންނުގެ ގެއެއްގައި އަންހެނަކު ރަހީނު ކުރި އަހުމަދު އަތުހަރު، ހެޕީލޭންޑް، ށ.މިލަންދޫ ފުލުހުންގެ ބެލުމުގެ ދަށުގައި ހުއްޓާ، އަމިއްލައަށް މަރުވާން މަސައްކަތް ކުރުމުގެ ސަބަބުން ހާލު ބޮޑުވެ އައިޖީއެމްއެޗްގެ ވެންޓިލޭޓަރުގައި ފަރުވާ ދެމުން ދާކަމަށް ފުލުހުން ބުނެފިއެވެ.
އަތުހަރަށް އައިޖީއެމްއެޗްގެ އައިސީޔޫގައި ފަރުވާ ދެމުން ދާއިރު އެކަން ހިނގާ ދިޔަގޮތުގެ ތަފްސީލެއް ފުލުހުން އަދި ހާމަކޮށްފައެއް ނުވެއެވެ.
ފުލުހުން ބުނީ، މި މައްސަލަ އާއި ގުޅިގެން ބަލަން ޖެހޭ ކަންކަން ބެލުމަށް ދޫނިދޫއަށް ކަމާ ގުޅުން ހުރި ފަރާތްތައް ގޮސް މިހާރު ވަނީ ތަހުގީގު ފަށާފައި ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް