ސައޫދީ އަރަބިއްޔާގައި މަގުމަތިން ދެ އަންހެނަކާއި ފޮށުނު ހަތް ފިރިހެނަކު ހައްޔަރުކޮށްފިއެވެ.
ސައޫދީ ގެޒެޓުގައި ރިޕޯޓުކޮށްފައިވާގޮތުގައި އެ ހަތް ފިރިހެނުން ހައްޔަރުކޮށްފައިވަނީ އާންމު ތަނެއްގައި އެ ހަތް މީހުން ފޮށޭ މަންޒަރު ފެންނަ ވީޑިއޯއެއް ސޯޝަލް މީޑިއާގައި ދައުރުވުމުންނެވެ.
ސޯޝަލް މީޑިއާގައި ވައިރަލްވެފައިވާ އެ ވީޑީއޯއިން ފެންނަނީ ފަތިހުގެ ވަގުތެއް ކަމަށްބެލެވޭ ވަގުތުގައި ދެ އަންހެނަކު ބުރަކަށީގައި އަތް އަޅާ ކޮއްޕާ، ކާރަކާ ދިމާއަށް ފޮނުވާ މަންޒަރާއި މަލާމާތުގެ ރާގަށް އެއްޗެހިގޮވާ ފޮށޭ މަންޒަރެވެ.
#تم_القبض#Breaking ?? According to security Forces statement in Riyadh, in Saudi Arabia, Riyadh Police arrested (7) people for harassing and molesting two women in broad daylight the shocking video which has sparked outrage across Saudi social media. pic.twitter.com/dtQmgLsVTy
— ???????? ???????? (@mtaglf) June 29, 2025
ހައްޔަރު ކުރި މީހުންގެ އުމުރެއް، ގައުމެއް ހާމަކޮށްފައެއް ނުވެއެވެ. ބުނެފައިވަނީ ދަ ޑިރެކްޓޮރޭޓް އޮފް ޕަބްލިކް ސެކިއުރިޓީއިން އެ ފަރާތްތަކަށް ފިޔަވަޅު އެޅުމަށް ޕަބްލިކް ޕްރޮސެކިއުޝަނަށް ފޮނުވާނެ ކަމަށެވެ.
ސައޫދީ ގާނޫނު ބުނާގޮތުން ފޮށުމުގެ ކުށަކީ ދެ އަހަރު ދުވަހުގެ ޖަލު ހުކުމެއް ނުވަތަ އެއް ލައްކަ ރިޔާލުގެ ޖޫރިމަނާއެކެވެ. ދެވަނަ ފަހަރަށް އެފަދަ ކުށެއް ތަކުރާރުކޮށްފިނަމަ ފަސް އަހަރުގެ ޖަލު ހުކުމެއް ނުވަތަ ތިން ލައްކަ ރިޔާލުގެ ޖޫރިމަނާއެކެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް