ބޭންކިން ދާއިރާއަށް ބޭނުންވާ ފަންނީ ހުނަރު ތަރައްޤީކުރުމަށް ހިއުމަން ކެޕޭސިޓީ ޑިވެލޮޕްމަންޓް ފަންޑެއް އަންނަ އަހަރު ޤާއިމުކުރައްވާނެ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ގަވަރުނަރު އަޙްމަދު މުނައްވަރު ވިދާޅުވެއްޖެއެވެ.

މޯލްޑިވްސް ޕްރިމިއާ ބޭންކް (އެމްޕީބީ) ރަސްމީކޮށް ހުޅުވުމުގެ ރަސްމިއްޔާތުގައި ވާހަކަދައްކަވަމުން ގަވަރުނަރު ވިދާޅުވީ، އެ ފަންޑަށް އެމްއެމްއޭ އާއި ބޭންކިން ސެކްޓާގެ ފަރާތްތަކުން ފައިސާ ހޭދަކުރާނެ ކަމަށެވެ.

Advertisement

މި ފަންޑުގެ ބޭނުމަކީ ފައިނޭންޝަލް ސެކްޓާއަށް މުސްތަޤުބަލުގައި ބޭނުންވާ ހުނަރާއި ތަޖުރިބާ ދިވެހިންނަށް ހޯދައިދިނުން ކަމަށް ވިދާޅުވިއެވެ.

މީގެ އިތުރުން، ބޭންކިން ދާއިރާގެ ފަންނީ ތަރައްޤީ ވަރުގަދަކުރުމަށް އެމްއެމްއޭއިން ދާދި ފަހުން އޭޝިއަން އިންސްޓިޓިއުޓް އޮފް ޗާޓާޑް ބޭންކާސް (އޭއައިސީބީ) އާ އެކު އެއްބަސްވުމެއްގައި ސޮއިކޮށްފައިވާ ކަމަށް ވެސް ގަވަރުނަރު ވިދާޅުވިއެވެ.

ގަވަރުނަރު ވިދާޅުވީ ދުނިޔެ ބާރު ދުވެލީގައި ބަދަލުވަމުންދާ ކަމަށާއި، އާޓިފިޝަލް އިންޓެލިޖެންސް އާއި ޑިޖިޓަލް ބޭންކިން އާއި އާ ޕޭމަންޓް ޓެކްނޮލޮޖީގެ ސަބަބުން ބޭންކިންގެ ޚިދުމަތް ދޭ ގޮތާއި ކަސްޓަމަރުން ބޭނުންވާ ގޮތް ބަދަލުވަމުންދާ