ޑްރާމާ ސިލްސިލާތަކުން މަޝްހޫރުކަން ހޯދާފައިވާ އިންޑިއާގެ ތަރި ޖޭސްމިން ބާސިންގެ އުފަން ދުވަސް ފާހަގަ ކުރަން ދުބާއީއަށް ކުރަމުންދާ ދަތުރު މުޅިން ބަދަލުވެއްޖެ އެވެ.

މި ދަތުރުގައި ޖޭސްމިން އާއި އެކު ގޮސް އުޅެނީ ލޯބިވެރިޔާ އަލީ ގޯނީ އެވެ. ދެމީހުންނަކީވެސް ޑްރާމާ ސިލްސިލާތަކުން މަޝްހޫރުކަން ހޯދާފައިވާ ދެ ތަރިންގެ އިތުރުން އާންމުންގެ މެދުގައި މަގުބޫލު ޖޯޑެކެވެ.

Advertisement

އަލީ އިންސްޓަގްރާމްގައި ބުނެފައިވާ ގޮތުގައި އިއްޔެ ޖޭސްމިންގެ އުފަން ދުވަސް ފާހަގަ ކުރަން ޖެހުނީ ދުބާއީގެ ހޮސްޕިޓަލެއްގައި ކަމަށެވެ. ޗުއްޓީއަށް ގޮސް އުޅެނިކޮށް ޖޭސްމިންއަށް ގަދަ ހުމެއް ޖެހި ވަރަށް ބޮޑަށް ހާލަތު ގޯސްވެފައިވާ ކަމަށް އަލީ ބުންޏެވެ.

އަލީ ބުނީ ހޮސްޕިޓަލްގައި އެޑްމިޓްކޮށްފައި އޮތުމުން ރާވާފައިވާ ގޮތަށް ބަދަލު ގެންނަން ޖެހުނަސް ހޮސްޕިޓަލް ކޮޓަރީގައި އުފަން ދުވަސް ވަރަށް ރަނގަޅަށް ފާހަގަ ކުރެވުނު ކަމަށެވެ.

ދެމީހުން ކައިވެނި ކުރަން އުޅޭ ކަމުގެ އިޝާރާތެއް 2022 ވަނަ އަހަރު ކުރިނަމަވެސް ފަހުން އޭގެ ވާހަކައެއް ނުދައްކަ އެވެ. 

އަލީ އާއި ޖޭސްމިން ރައްޓެހިވީ ބިގްބޮސް 14 ގައި އެމީހުން އުޅުނު އިރުގަ އެވެ.