އިންޑިއާއަށް އަރުވާލެވިގެން ހުންނެވި ބަންގްލަދޭޝްގެ ކުރީގެ ބޮޑުވަޒީރު ޝެއިޚް ހަސީނާ މި އަހަރު އެނބުރި ޤައުމަށް ވަޑައިގަންނަވާނެ ކަން އިޢުލާނުކުރައްވައިފިއެވެ.

ބަންގްލްދޭޝްގެ ސިޔާސީ މަޝްރަހު ހޫނުވެ ޝައިޚް ހަސީނާގެ ވެރިކަން ވެއްޓުމުން އޭނާ ފިއްލަވައިގެން ވަޑައިގެންނެވީ އިންޑީއާއަށެވެ. އިންޑީއާއިން ސިޔާސީ ހިމާޔަތް ހޯއްދަވައިގެން ހުންނަވާތާ މިހާރު ދެ އަހަރު ވެއްޖެ އެވެ.

Advertisement

އިންޑިއާގެ މީޑިއާއަށް ދެއްކި އިންޓަވިއުއެއްގައި ހަސީނާ ވިދާޅުވީ އޭނާ މިއަހަރު އެނބުރި ގައުމަށް ވަޑައިގެންނެވުމަށް އެކަކަށްވެސް ހުރަސް ނޭޅޭނެ ކަމަށެވެ. އަދި ސަރުކާރުން އެކަމަށް ހުރަސް އަޅައި، އެކަމަނާގެ ޕާޓީއަށް ހަމަލާއެއް ދިނުމަކީ މިނިވަން ކަމަށް ދޭ ހަމަލާއެއް ކަމަށެވެ.

ހަސީނާ ސިފަކުރެއްވި ގޮތުގައި އެކަމަނާގެ އަވާމީ ޕާޓީއަކީ ޖަމާއަތަކަށްވުރެ ބޮޑަށް ބަންގްލަދެޝްގެ ބޮޑު ބާރެކެވެ.

ހަސީނާގެ ވެރިކަން ނިމުމަކަށް ގެނެސް އަވާމީ ޕާޓީ ވަނީ ބަންގްލަދޭޝްގައި މަނާކޮށްފައި އެވެ. އަދި ހަސީނާއަށް މަރުގެ ހުކުމް އިއްވުމަށް ދަނީ މަސައްކަތް ކުރަމުންނެވެ.

ބަންގްލަދޭޝް ސަރުކާރުން ވަނީ ހަސީނާ އެގައުމާއި ހަވާލު ކުރުމަށް އިންޑީއާ ސަރުކާރުގައި އެދެމުންނެވެ. އެ މައްސަަލައިގަ ދެ ގައުމުގެ މަޝްރަހު ގޯސްވެފައި ވީނަމަވެސް އިންޑީއާއިން ވަނީ އެކަމަށް އެއްބާރުލުހުން ދޭން ދެކޮޅު ހަދާފައި އެވެ.

މިމަހުގެ 23 ވަނަ ދުވަކަކީ އަވާމީ ލީގު އުފެއްދިތާ 77 އަހަރު ވީ ދުވަހެކެވެ. އެ ދުވަސް ގައުމީ ފެންވަރުގައި ފާހަގަ ކުރުން ބަނަގްލަދޭޝްގައި އޮތީ މަނާކޮށްފައި އެވެ. ވަރުގަދަ ސެކިއުރިޓީގެ ތެރޭގައި އެ ޕާޓީގެ ގިނަ ޢަދަދެއްގެ އެކްޓިވިސްޓުން ހައްޔަރުކޮށްފައިވެއެވެ.