މާލޭގެ އިމާރާތަކުން ވެއްޓުނު ދެމީހަކަށް އަނިޔާވެގެން ފަރުވާ ދޭން ފަށައިފި އެވެ.

ފުލުހުން ބުނީ ހާދިސާގެ ރިޕޯޓު ކުރީ މިއަދު މެންދުރު ކަމަށެވެ. އެމީހުން ވެއްޓިފައިވަނީ މަޖީދީ މަހުގައި ހުންނަ އިމާރާތެއްގެ ފުރަތަމަ ފަންގިފިލާއިންނެވެ.

Advertisement

މި ހާދިސާގައި އަނިޔާވެފައިވަނީ  އުމުރުން 22 އަހަރުގެ ނޭޕާލް ފިރިހެނަކާއި 39 އަހަރުގެ ބަންގްލަދޭޝް ފިރިހެނަކަށް ކަމަށް ވެސް ފުލުހުން ބުންޏެވެ.

ދެމީހުންނަށް ލިބިފައިވަނީ ކިހާވަރެއްގެ އަނިޔާއެއް ކަމެއް އަދި ސާފެއް ނުވެ އެވެ. ފަރުވާ ދެމުންދަނީ އައިޖީއެމްއެޗުގެ އެމަޖެންސީގައި އެވެ.

ފުލުހުން ބުނީ މި ހާދިސާ ތަހުގީގުކުރަމުން އަންނަ ކަމަށެވެ.