ވެނެޒުއެލާއަށް އައި ދެ ބިންހެލުމުގައި މިހާތަނަށް މަރުވި މީހުންގެ އަދަދު ގާތްގަނޑަކަށް ހާހަކަށް އަރައިފި އެވެ.

މިދިޔަ ބުދަ ދުވަހުގެ ހަވީރު ވެނެޒުއެލާގެ އައްސޭރިފަށަށް އަދި ދެ ބިންހެލުން އައިސްފައިވަނީ ރެކްޓަމިންގަނޑުން 7.2 އާއި 7.5 ގެ ބާރުމިނުގައި އެވެ.

Advertisement

މި ބިންހެލުންތަކުގައި މިހާތަނަށް 920 މީހުން މަރުވެ، 3,300 އަށް ވުރެ ގިނަ މީހުން ޒަހަމްވެފައިވެ އެވެ. މި އަދަދުތައް އިތުރުވާނެ ކަމަށް ބެލެވެ އެވެ.

ވެނެޒުއެލާގެ ސަރުކާރުން ހާމަކޮށްފައިވާ ގޮތުގައި ގެއްލިފައިވާ މީހުން ހޯދުމަށް ހެދި ވެބްސައިޓުގައި 50,000 އަށް ވުރެ ގިނަ މީހުންގެ ނަން ލިސްޓުކޮށްފައިވެއެވެ.

މިހާދިސާގައި އެ ގައުމުގެ އެތައް ހާސް ބަޔަކު ވަނީ ގެދޮރުގެއްލި މަގުމަތިވެފައި އެވެ.

މީހުން ހޯދުމުގެ މަސައްކަތުގައި އެ ގައުމަށް އެންމެ ބޮޑު އެހީއެއް ވަމުން ދަނީ އެމެރިކާއިންނެވެ.

ހުކުރު ދުވަހު އެމެރިކާގެ ސާޗް އެންޑް ރެސްކިއު ޓީމު ހިމެނޭ ފުރަތަމަ ބޯޓު 80 މީހުންނާއި އެކު ވެނެޒުއެލާއަށް ގޮސްފައިވެއެވެ. މި ޓީމުގައި ފަޔާފައިޓަރުންނާއި ޑޮކްޓަރުންނާއި ސްޓްރަކްޗަރަލް އިންޖިނިއަރުންގެ އިތުރުން ސާޗް އެންޑް ރެސްކިއު ކުއްތާތައް ހިމެނެއެވެ.