އދ. ހަންޏާމީދޫގައި ބަގީއަކާ އެކު ފަޅުތެރެއަށް ވެއްޓި ކުޑަކުއްޖަކު މަރުވެއްޖެއެވެ.

މި ހާދިސާ ހިނގީ އިއްޔެ ހަވީރު އެވެ.

Advertisement

މި ހާދިސާގައި މަރުވެފައިވަނީ އެރަށު އުމުރުން 13 އަހަރުގެ އަލީ އަނަސް ބިން މުޙައްމަދު އަރީޝްއެވެ. އެއީ ނުކުޅެދުންތެރިކަން ހުންނަ ކުއްޖެއް ކަމަށް މައުލޫމާތު ލިބެ އެވެ.

މައުލޫމާތު ލިބިފައިވާ ގޮތުގައި އެ ކުއްޖާ ބަގީ ދުއްވީ ބަނދަރުގައި ތަޅުދަނޑި ޖަހާފައި ބާއްވާފައި އޮއްްވަ އަރައިގެންނެވެ. ބަގީ އާއި އެކު މޫދަށް ވެއްޓުނީ ކޮންޓްރޯލު ކުރަން ނޭނގިގެންނެވެ

މި ހާދިސާގައި އަނަސް މޫދަށް ވެއްޓުމުގެ ތެރޭގައި ފަޅުތެރޭގައި އަޅާފައި އޮތް ދޯންޏެއްގައި ޖެހި ވަރަށް ބޮޑަށް ޒަހަމްވެފައިވެ އެވެ. އަނަސް މަރުވީ އެ ރަށު ސިއްޙީ މަރުކަޒުގައި ފަރުވާ ދެމުން ދަނިކޮށެވެ.