މިއަދު މާލެ ސަރަހައްދުގައި ޖުމުލަ 50 ކައިވެނި ކޮށްދިނުމަށް ހަމަޖެހިފައިވާ ކަމަށް ފެމިލީ ކޯޓުން ބުނެފިއެވެ.

މިއަދުގެ ތާރީހު ކަމަށްވާ (26.06.26) އަކީ މިއަހަރު އަންނަ ރީތި ތާރީހުގެ ތެރެއިން އެންމެ ރީތި އެއް ތާރީހެވެ.

Advertisement

ފެމިލީ ކޯޓުން ބުނި ގޮތުގައި މިއަދު ކުރުމަށް ހަމަޖެހިފައިވާ 50 ކައިވެނީގެ ތެރެއިން 39 ކައިވެނި ކޮށްދެނީ ކޯޓުން ބޭރުގައެވެ. އަދި 11 ކައިވެންޏެއް ކޮށްދެނީ ކޯޓުގައެވެ.

އެ ކޯޓުން ކުރިން ބުނެފައިވާ ގޮތުގައި ރީތި ތާރީޚުތަކާ ދިމާކޮށް އާންމުކޮށް 50 އާއި 80 އާ ދެމެދުގެ އަދަދަކަށް ކައިވެނި ކުރެއެވެ.

މީގެ ކުރީ އަހަރުތަކުގައި ރީތި ތާރީހު ތަކާއި ދިމާކޮށް ކައިވެނި ކުރުމުގެ ޑިމާންޑު ބޮޑުވުމުން ފެމިލީ ކޯޓުގެ ބޭރުގައި ޓެންޓާއި ގޮނޑިބަރި ޖަހާފައި ވެސް ހުރެއެވެ.

ރީތި ތާރީޚުތަކާ ދިމާކޮށް ކައިވެނި ކުރުމަކީ ދިވެހީންގެ މެދުގައި މަގުބޫލު ކަމެކެވެ.