ވޯލްޑް ކަޕް 2026 ގެ ގްރޫޕް އެޗްގެ ފުރަތަމަ މެޗުގައި، ވޯލްޑް ކަޕަށް ޑެބިއުކުރި ކޭޕް ވާޑޭއިން ޔޫރޯ ޗެމްޕިއަން ސްޕެއިނާ 0-0 އިން އެއްވަރުކޮށް ތާރީޚީ ނަތީޖާއެއް ނެރެފިއެވެ.

އެޓްލާންޓާ ސްޓޭޑިއަމުގައި ކުޅުނު މި މެޗުގައި ސްޕެއިނުން ބޯޅަ ހިފަހައްޓައި، ކޭޕް ވާޑޭގެ ހާފުގައި ގިނަ ވަގުތު ހޭދަކުރިއެވެ. ނަމަވެސް ކޭޕް ވާޑޭގެ ތަޖުރިބާކާރު ކީޕަރު ވޮޒީނިއާގެ މޮޅު ކުޅުމާ އެކު ސްޕެއިނަށް ގޯލެއް ނުޖެހުނެވެ. ރޮޑްރީގެ ހަމަލާއެއް ފުރަތަމަ ހާފުގައި ފާހަގަކޮށްލެވުނު ނަމަވެސް ވޮޒީނިއާ ފަސޭހަކަމާ އެކު އެ ހަމަލާ ދިފާޢުކުރިއެވެ.

Advertisement

ކޭޕް ވާޑޭއިން ޑިފެންސް ބަދަހިކޮށް، ރޭވުންތެރިކަމާ އެކު ސްޕެއިންގެ ކުޅުމަށް ހުރަސް އެޅިއެވެ. 15 ވަނަ މިނެޓުގައި ޑިފެންޑަރު ސިޑްނީ ލޯޕެސް ކެބްރާލަށް ރީނދޫ ކާޑެއް ދެއްކި ނަމަވެސް، އެ ޓީމުގެ ޑިސިޕްލިން ދެމެހެއްޓިއެވެ.

މިއީ ދެ ޓީމު ބައްދަލުކުރި ފުރަތަމަ ފަހަރެވެ. ކޭޕް ވާޑޭ ވޯލްޑް ކަޕަށް ކޮލިފައިވީ އެފްރިކާ ކޮލިފައިންގައި 23 ޕޮއިންޓް ހޯދައި، ކެމެރޫން ފަދަ ބާރެއް ފަހަތަށް ޖައްސައިލުމަށް ފަހުގައެވެ. ގްރޫޕް އެޗްގައި މި ދެ ޓީމުގެ އިތުރުން އުރުގުއޭ އާއި ސައޫދީ ޢަރަބިއްޔާ ހިމެނެއެވެ.

މެޗު ނިމެން ވިހި މިނެޓަށް ވެފައިވަނިކޮށް ލަމީން ޔަމާލް ކުޅެން އަރުވައިގެންވެސް ސްޕެއިން އަށް ގޯެލެއް ޖެހޭ ގޮތެއް ނުވިއެވެ.