ބެޑްމިންޓަން އެސޯސިއޭޝަން އޮފް މޯލްޑިވްސް އިން އިންތިޒާމުކޮށްގެން ބާއްވާ "ރާއްޖެ ޖޫނިއަރ ބެޑްމިންޓަން ޗެމްޕިއަންޝިޕް 2026" ގައި ބައިވެރިވުމުގެ ސުންގަޑި މި މަހުގެ އަށް ވަނަ ދުވަހާ ހަމައަށް އިތުރުކޮށްފިއެވެ.

މި މުބާރާތަކީ ގްރޭޓަރ މާލެ ޒޯނާއި ސެންޓްރަލް ޒޯނަށް ހުޅުވާލައިގެން، މި މަހުގެ 14 އިން 25 އަށް ބޭއްވުމަށް ތާވަލުކޮށްފައިވާ މުބާރާތެކެވެ. މުބާރާތުގައި ބައިވެރިވާން ބޭނުންވާ ސްކޫލް އަދި މަދަރުސާތަކުން ޕާޓިސިޕޭޝަން ފޯމު ފުރިހަމަކޮށް، ހޯމަ ދުވަހުގެ ރޭ 22:00 ގެ ކުރިން އެސޯސިއޭޝަނަށް ހުށަހަޅަން ޖެހެއެވެ.

Advertisement

ޖޫރިމަނާއަކާ ނުލައި މުބާރާތުން ވިތްޑްރޯ ކުރެވޭނެ އެންމެ ފަހު ތާރީޚަކީ މި މަހުގެ 10 ވާ ބުދަ ދުވަހުގެ މެންދުރު 14:00 އެވެ. މުބާރާތުގެ އެންޓްރީ ލިސްޓް މި މަހުގެ ނުވަ ވަނަ ދުވަހު ޢާންމުކުރާ އިރު، ޑްރޯ މީޓިން އަދި މެނޭޖާޒް މީޓިން ބާއްވަން ހަމަޖެހިފައި ވަނީ މި މަހުގެ 11 ވާ ބުރާސްފަތި ދުވަހުގެ ރޭ 20:30 ގައެވެ.