ދިވެހިރާއްޖޭގެ ޤައުމީ ޔުނިވަރސިޓީ (އެމްއެންޔޫ) ގެ އިނޮވޭޓްހަބް ޕްރޮގްރާމުގެ ދެވަނަ ބެޗުގައި ބައިވެރިވުމުގެ ފުރުޞަތު ހުޅުވާލައިފިއެވެ.

އިނޮވޭޓްހަބް އަކީ ދަރިވަރުންނާއި ޒުވާން ޕްރޮފެޝަނަލުންގެ މެދުގައި އީޖާދީ ވިސްނުމާއި ވިޔަފާރީގެ ރޫޙު އާލާކޮށް، ސްޓާޓްއަޕް ތަރައްޤީކުރުމަށް އެހީތެރިވެދޭ ޕްރޮގްރާމެކެވެ. ފުރަތަމަ ބެޗުގެ ކާމިޔާބީގެ މައްޗަށް ބިނާކޮށް ކުރިއަށް ގެންދާ މި ޕްރޮގްރާމުގައި ބައިވެރިންނަށް މެންޓާޝިޕާއި ފަންޑިން އެހީ އާއި ބައިނަލްއަޤުވާމީ ގުޅުންތައް ލިބެއެވެ.

Advertisement

ހޮވޭ ބައިވެރިންނަށް 500,000 ރުފިޔާ އާ ހަމައަށް ފަންޑިން ފުރުޞަތު ލިބޭ އިރު، ސިނާޢަތުގެ ތަޖުރިބާކާރުންނާއި އެމްއެންޔޫގެ ލީޑަރުން އަދި ބައިނަލްއަޤުވާމީ ޕާޓްނަރުންގެ މެންޓާޝިޕް ވެސް ލިބެއެވެ. މީގެ އިތުރުން ސްޓާޓްއަޕް ތަރައްޤީކުރުމަށް ބޭނުންވާ ވަސީލަތްތަކާއި އިރުޝާދު ފޯރުކޮށްދެއެވެ. ބައިނަލްއަޤުވާމީ ޕާޓްނަރ މުއައްސަސާތަކަށް ޒިޔާރަތްކޮށް ބައިނަލްއަޤުވާމީ ބާޒާރުތައް ދެނެގަތުމުގެ ފުރުޞަތު ވެސް ޕްރޮގްރާމުގެ ތެރެއިން ލިބެއެވެ.

ވަކި ފަރުދުންނަށާއި ހަތް މެންބަރުންނާ ހަމައަށް ޓީމުތަކަށް ކުރިމަތިލެވެއެވެ. ޓީމުތަކުގައި އެއް މެންބަރުން ނުވަތަ ދެ މެންބަރުން އެމްއެންޔޫ ނޫން ފަރާތްތަކުގެ ގޮތުގައި ހިމެނިދާނެ އެވެ. ނަމަވެސް މައި އެޕްލިކަންޓަކީ އެމްއެންޔޫގެ މިހާރުގެ ދަރިވަރަކަށް ވާން ޖެހެއެވެ. ކުރިމަތިލުމުގެ ސުންގަޑި އަކީ ޖުލައި 30، 2026 އެވެ.