ދިވެހިރާއްޖޭގެ ޤައުމީ ޔުނިވަރސިޓީ (އެމްއެންޔޫ) ގެ ފެކަލްޓީ އޮފް އާރޓްސް އިން ޖަޕާނު އެމްބަސީ އާއި ޖަޕާން ފައުންޑޭޝަންގެ އެހީގައި ހިންގާ "ޖަޕަނީސް ލޭންގުއޭޖް އެލެމެންޓްރީ 1" ކޯހުގައި ބައިވެރިވުމުގެ ސުންގަޑި މޭ 31 ވާ އާދިއްތަ ދުވަހުގެ ރޭގަނޑު 23:59 އަށް އިތުރުކޮށްފިއެވެ.

ކުރިން މި ކޯހަށް ކުރިމަތިލުމުގެ އެންމެ ފަހު ތާރީޚަކީ މޭ 17 އެވެ. މިހާރު ޝައުޤުވެރިވާ ފަރާތްތަކަށް މޭ 31 ގެ ނިޔަލަށް ފޯމު ހުށަހެޅޭނެއެވެ.

Advertisement

މިއީ 15 ހަފުތާގެ މި ކޯހުގައި 30 ޖާގަ ހިމެނޭ އިރު، ޖާގަ ދިނުމުގައި އިސްކަންދެވެނީ ފޯމު ހުށަހަޅާ ތަރުތީބުންނެވެ. ކޯސް ފީ އަކީ 2,250 ރުފިޔާއެވެ. ކިޔަވައިދެނީ ފެކަލްޓީއަށް ހާޒިރުވެގެން، ކޮންމެ އާދިއްތަ، އަންގާރަ އަދި ބުރާސްފަތި ދުވަހެއްގެ ރޭގަނޑު 19:00 އިން 21:00 އަށެވެ.