ދިވެހިރާއްޖޭގެ ޤައުމީ ޔުނިވަރސިޓީ (އެމްއެންޔޫ) ގެ "އެމް.އެން.ޔޫ ފަހި ފުރުސަތު 2026" ވަޒީފާގެ ބާޒާރު، މި މަހުގެ ތިނެއް އިން ފަހަކަށް ބާއްވަން ނިންމައިފިއެވެ.

އެމްއެންޔޫން މިއަދު ނެރުނު ޕްރެސް ރިލީޒެއްގައި ބުނެފައި ވަނީ، މި ވަޒީފާގެ ބާޒާރު ކުރިއަށްދާނީ އެ ތިން ދުވަހުގެ ހަވީރު 16:00 އިން 18:00 އަށް އަދި ރޭގަނޑު 20:00 އިން 22:00 އަށް ކަމަށެވެ. މި ފެސްޓިވަލް ބާއްވާނީ ޔުނިވަރސިޓީގެ އިދާރީ މަރުކަޒާއި މާލެ ކެމްޕަހުގެ އިތުރުން، އެމްއެންޔޫގެ އަތޮޅު ކެމްޕަސްތަކުގައި ވެސް ކަމަށް ޕްރެސް ރިލީޒުގައިވެއެވެ.

Advertisement

މިފަހަރުގެ ފެސްޓިވަލްގައި 32 އަށް ވުރެ ގިނަ މުއައްސަސާއިން ވަނީ ބައިވެރިވެފައެވެ. އޭގެ ތެރޭގައި ސަރުކާރު މުއައްސަސާތަކާއި އަމިއްލަ ކުންފުނިތައް ހިމެނެއެވެ. ވަޒީފާގެ ފުރުސަތުތަކުގެ އިތުރުން ކެރިއަރ ގައިޑެންސް ވެސް މި ފެސްޓިވަލުން ލިބިގެންދާނެ ކަމަށް އެމްއެންޔޫން ބުނެއެވެ.

މި ވަޒީފާގެ ބާޒާރަކީ ވަޒީފާ އުފައްދާ ފަރާތްތަކާއި ވަޒީފާ ދޭ ފަރާތްތަކާއި، ދަސްވެނިވާ ދަރިވަރުންނާއި ވަޒީފާ ހޯދާ ފަރާތްތައް އެއް ތަނަކުން ގުޅުވާލަދޭ ބާޒާރެކެވެ. "ފުރާތަ - މުޖުތަމަޢަށް އަނބުރާ ދިނުން" މި ޝިޢާރުގެ ދަށުން ބާއްވާ މި ފެސްޓިވަލަށް ހުރިހާ އާންމުންނަށް ވެސް ހިލޭ ވަދެވޭނެ ކަމަށް އެމްއެންޔޫން ބުނެއެވެ.