ދިރާގުން ކޮންމެ އަހަރަކު ބޮޑު އީދު ފާހަގަކުރުމަށް ކުރިއަށް ގެންދާ "ދިރާގު އީދު ބޮނޑިބަތް" ހަރަކާތް މި އަހަރު ވެސް ބޭއްވުމަށް ތައްޔާރުވެއްޖެއެވެ.

މި އަހަރުގެ ބޮނޑިބަތް ބެހުމަށް ހަމަޖެހިފައިވަނީ ހައުސިންގް ޑިވެލޮޕްމަންޓް ކޯޕަރޭޝަން (އެޗްޑީސީ) އާ ގުޅިގެން ހުޅުމާލޭގައި އަދި މާލެ ސިޓީ ކައުންސިލާ ގުޅިގެން މާލޭގައެވެ. މި ހަރަކާތް ކުރިއަށް ދާނީ އީދު ދުވަހުގެ ހެނދުނު 7:00 ގައި އޮންނަ އީދު ނަމާދަށް ފަހު، މާލޭގެ ކިންގް ސަލްމާން މިސްކިތް ސަރަހައްދުގައާއި ހުޅުމާލެ ފޭސް 1 ގެ ސިންތެޓިކް ޓްރެކް ސަރަހައްދުގައެވެ.

Advertisement

މިއީ ދިވެހި ސަގާފަތާއި އާދަކާދަތައް ދިރުވައި އާލާކުރުމުގެ މަގްސަދުގައި، ބޮޑު އީދުގެ އުފަލުގައި ވީހާ ވެސް ގިނަ ބަޔަކު ބައިވެރިކޮށް މުޖުތަމައުގެ ގުޅުން ވަރުގަދަކުރުމަށް ދިރާގުން ކޮންމެ އަހަރަކު ކުރިއަށް ގެންދާ ހަރަކާތެކެވެ.