ވިޒިޓް ވިޒާގެ އެއްވެސް ބާވަތެއްގައި ޙައްޖުގެ އަޅުކަން އަދާ ނުކުރެވޭނެ ކަމަށާއި، ޙައްޖުވުމަށް ރަސްމީ ޙައްޖު ޕާމިޓެއް އޮތުމަކީ ލާޒިމު ޝަރުޠެއް ކަމަށް ސަޢޫދީ ޢަރަބިއްޔާގެ ދާޚިލީ ވުޒާރާއިން ތަކުރާރުކޮށް ހަނދާންކޮށްދީފިއެވެ.

ދާޚިލީ ވުޒާރާއިން ނެރުނު ބަޔާނެއްގައި ވަނީ، 1447 ވަނަ އަހަރުގެ ޙައްޖު މޫސުމާ ބެހޭ ޤަވާޢިދުތަކަށް ފުރިހަމައަށް ޢަމަލުކުރުމަށާއި، ޙައްޖުވެރިންގެ ސަލާމަތާއި ރައްކާތެރިކަން ކަށަވަރުކުރުމަށްޓަކައި ކަމާބެހޭ ފަރާތްތަކާ ގުޅިގެން މަސައްކަތްކުރުމަށް ހުރިހާ ފަރުދުންނަށް ގޮވައިލައިފައެވެ.

Advertisement

ޙައްޖުގެ ޤަވާޢިދުތަކާ ޚިލާފުވާ ފަރާތްތަކާ މެދު ޤާނޫނީ ފިޔަވަޅު އަޅާނެ ކަމަށް ވެސް އެ ބަޔާނުގައި އިންޒާރު ދީފައިވެއެވެ.

މީގެ އިތުރުން، ޤަވާޢިދާ ޚިލާފުވާ ފަރާތްތައް ރިޕޯޓުކުރުމަށް ޢާންމުންނަށް ވެސް ވުޒާރާއިން ވަނީ ގޮވައިލައިފައެވެ. މައްކާ، މަދީނާ، ރިޔާޟް އަދި އިރުމަތީ ޕްރޮވިންސްގައި 911 އަށް، އަދި ސަޢޫދީގެ އެހެން ސަރަޙައްދުތަކުގައި 999 އަށް ގުޅައި ރިޕޯޓުކުރުމަށް ވުޒާރާއިން ބުނެފައިވެއެވެ.

މި އަހަރުގެ ޙައްޖު މޫސުމް، ހިޖުރީ ތާރީޚުން 1447 ވަނަ އަހަރުގެ ޙައްޖު މޫސުމް، ޢަރަބި މަސް ޒުލްޙިއްޖާ ނިމޭ ހިސާބުގައި ފެށޭނެއެވެ. މީލާދީ ތާރީޚުން މިއީ 2026 ވަނަ އަހަރުގެ ޖޫން މަސް ތެރޭގައެވެ.