ދިރާގުން ކުރިއަށްގެންދާ ފޯރިގަދަ ' ވިން 2 ސްޕީޑްބޯޓްސް' ޕްރޮމޯޝަންގެ ދަށުން ދޭ ފަހު ސްޕީޑްބޯޓް ހޯދުމުގެ ފުރުސަތު ހަމަވުމަށް ބާކީ އޮތީ އެންމެ ހަ ދުވަހެވެ. މި ޕްރޮމޯޝަނަށް އެންރޯލްކުރުމުގެ އެންމެ ފަހު ތާރީޚަކީ 31 މާރިޗު 2026 އެވެ.

މި ޕްރޮމޯޝަނަށް ކުރިން އެންރޯލްކޮށްފައިވާ ކަސްޓަމަރުންނަށް ވެސް ދެވަނަ ބޯޓު ހާސިލްކުރުމުގެ ފުރުސަތު އޮންނާނެއެވެ. އެފަދަ ކަސްޓަމަރުން އަލުން އެންރޯލްކުރާކަށް ނުޖެހޭނެއެވެ. ދިރާގުން މި ޕްރޮމޯޝަންގެ ފުރަތަމަ ނަސީބުވެރި ފަރާތަށް މިހާރު ވަނީ ސްޕީޑްބޯޓް ހަވާލުކޮށްފައެވެ. ދެވަނަ ސްޕީޑްބޯޓުގެ ނަސީބުވެރިޔާ ހޮވުން އޮންނާނީ މިއަހަރުގެ ޖޫން މަހުގައެވެ.

Advertisement

މި ޕްރޮމޯޝަންގެ ދަށުން ދިނުމަށް ހަމަޖެހިފައިވަނީ އަލް ޝާލީ މެރިން ކެނެރީ 28 މޮޑެލްގެ ސްޕޯޓްސް ސްޕީޑްބޯޓެކެވެ. މި ބޯޓުގައި ޔަމަހާ 250 ހޯސްޕަވަރުގެ އިންޖީނެއް ހަރުކޮށްފައިވާއިރު، މިއީ އެކި ކަންކަމަށް ބޭނުންކުރެވޭ ގޮތަށް ހިތްގައިމުކޮށް ފަރުމާކޮށްފައިވާ ބޯޓެކެވެ.

މި ޕްރޮމޯޝަންގައި ދިރާގުގެ ޕްރީޕެއިޑް، ޕޯސްޓްޕެއިޑް، އަދި ފައިބާ ބްރޯޑްބޭންޑް ކަސްޓަމަރުންގެ އިތުރުން އަލަށް ދިރާގާ ގުޅޭ ކަސްޓަމަރުންނަށް ވެސް ބައިވެރިވެވޭނެއެވެ. އެގޮތުން ޕްރީޕެއިޑް ކަސްޓަމަރުން 450 ރުފިޔާ ނުވަތަ އެއަށްވުރެ އިތުރަށް ރީލޯޑްކުރުމުން، އަދި ޕޯސްޓްޕެއިޑް 450 އިން ފެށިގެން މަތީގެ ޕްލޭންތަކުގެ ކަސްޓަމަރުން ބިލް ދެއްކުމުން ލަކީޑްރޯގައި ބައިވެރިވެވޭނެއެވެ.

މީގެ އިތުރުން ދިރާގު ލިމިޓެއްނެތް ފައިބަރ 40އެމް ނުވަތަ އެއަށްވުރެ މަތީގެ ޕްލޭންތައް ބޭނުންކުރާ ކަސްޓަމަރުންނަށް ވެސް މި އަގުހުރި އިނާމު ހޯދުމުގެ ފުރުސަތު ވަނީ ހުޅުވާލެވިފައެވެ. މިއީ މި ފޯރިގަދަ ޕްރޮމޯޝަންގައި ބައިވެރިވުމަށް ލިބޭ އެންމެ ފަހު ފުރުސަތު ކަމަށް ދިރާގުން ބުނެއެވެ.