ގދ. ތިނަދޫ ސިޓީގެ "ކްރެބް ބީޗް" ސަރަހައްދުގައި އޮތް ކާރެއްގައި އަލިފާނުގެ ހާދިސާއެއް ހިނގައި، އެ އުޅަނދު އެއްކޮށް އަނދައި ހުލިވެއްޖެއެވެ.

ފުލުހުންގެ ފަރާތުން މައުލޫމާތު ދެއްވި ގޮތުގައި، މި ހާދިސާގެ ރިޕޯޓް އެ އިދާރާއަށް ލިބިފައިވަނީ ރޭގެ 23:23 ހާއިރުގައެވެ.

Advertisement

ހާދިސާގެ މައުލޫމާތު ލިބުމާއެކު ފުލުހުންނާއި ސިފައިން ގުޅިގެން ކުރި މަސައްކަތުން، ރޭގެ 23:45 ހާއިރު އަލިފާންގަނޑު ވަނީ މުޅިން ކޮންޓްރޯލްކޮށް ނިއްވާލާފައެވެ. މި ހާދިސާގައި އެއްވެސް މީހަކަށް ޖިސްމާނީ އަނިޔާއެއް ލިބިފައި ނުވި ނަމަވެސް، އަލިފާން ރޯވި ކާރު ވަނީ އިއާދަނުކުރެވޭ ވަރަށް ހަލާކުވެފައެވެ.