ފިތުރު ޢީދުގެ މުނާސަބަތުގައި ދިރާގުޕޭ މެދުވެރިކޮށް އެންމެ ރުފިޔާއަކަށް ސީގަލް ކެފޭއިން އައިސްކްރީމް ލިބޭ ޕްރޮމޯޝަނެއް ދިރާގު ފިންޓެކުން އިއުލާނުކޮށްފިއެވެ.

މި ޕްރޮމޯޝަން ކުރިއަށް ދާނީ ޢީދު ދުވަސް ކަމުގައިވާ މިއަދު، 20 މާރިޗުގެ ހަވީރު 4:00 އިން ރޭގަނޑު 10:00 އާ ހަމައަށް ކަމަށް އެ ކުންފުނިން ބުނެއެވެ. ސީގަލް ކެފޭގައި ލިބެން ހުންނަ ތަފާތު ރަހަތަކުގެ ތެރެއިން ބޭނުންވާ ބާވަތެއް އިހުތިޔާރުކުރެވޭނެ ކަމަށާއި، ދިރާގުޕޭ އެޕް ޑައުންލޯޑުކޮށް ރަޖިސްޓަރީ ކޮށްގެން ޒިޔާރަތްކުރާ ކޮންމެ ފަރާތަކަށް ވެސް މި ޕްރޮމޯޝަންގައި ބައިވެރިވެވޭނެ ކަމަށް ދިރާގު ފިންޓެކުން ބުނެއެވެ.

Advertisement

ދިރާގުޕޭއިން ވަނީ މިދިޔަ އަހަރު ވެސް ޕާޓުނަރު އައުޓްލެޓްތަކާ ގުޅިގެން ކޮފީ، ޝަވަރުމާ އަދި ވޮފްލް ފަދަ ތަކެތި އެންމެ ރުފިޔާއަކަށް ލިބޭ ޕްރޮމޯޝަންތައް ކާމިޔާބުކަމާ އެކު ކުރިއަށް ގެންގޮސްފައެވެ.